យុវជន U19 ហុល្លង់៥នាក់ត្រូវដកឈ្មោះចេញ ព្រោះនាំស្រីៗឡើងសណ្ឋាគារ
- 2021-09-08 06:54:56
- ចំនួនមតិ 0 | ចំនួនចែករំលែក 0
យុវជន U19 ហុល្លង់៥នាក់ត្រូវដកឈ្មោះចេញ ព្រោះនាំស្រីៗឡើងសណ្ឋាគារ
ចន្លោះមិនឃើញ
កីឡាករជម្រើសជាតិក្រោមអាយុ១៩ឆ្នាំរបស់ហុល្លង់៥នាក់ត្រូវបានដកឈ្មោះចេញពីបញ្ជី ក្រោយពីពួកគេបាននាំស្រីៗចូលបន្ទប់សណ្ឋាគារអំឡុងពេលប្រមូលផ្ដុំហ្វឹកហាត់។
កីឡាករយុវជនទាំង៥នាក់ខាងលើមានឈ្មោះដូចជា Ar'jany Martha, Naci Unuvar, Rio Hillen. Mimeirhel Benita និង Xavi Simons។ ពួកគេកំពុងបោះជំរំហ្វឹកហាត់ជាមួយក្រុមជម្រើសជាតិហុល្លង់ ប៉ុន្តែក៏មានធ្លាយរឿងថានាំនារីៗឡើងដល់បន្ទប់ផងដែរ។ ដោយសារតែល្មើសវិន័យនេះហើយ កីឡាករទាំង៥ត្រូវបានដកឈ្មោះចេញពីជម្រើសជាតិវិញទៅហើយ។
តាមដំណើររឿង លោក Bert Konterman ជាគ្រូបង្វឹកបាននិយាយថាដំបូងឡើយ Martha និង Benita ជាអ្នកទូរសព្ទទៅនារីៗច្រើននាក់មកបន្ទប់របស់គេ។ ក្រោយពីពួកនាងបានមកដល់ហើយ កីឡាករ៣នាក់ទៀតក៏បានឮសំឡេងតន្ត្រីខ្លាំងៗហើយនាំគ្នាចូលទៅដែរ។ ក្រោយពីដឹងរឿងនេះ ទើបបានជាក្រុមការងារសម្រេចចិត្តដកឈ្មោះកីឡាករ៥នាក់នោះចេញ ព្រោះល្មើសវិន័យ ដោយបញ្ជូនពួកគេទៅក្លឹបដើមវិញ៕