Van Gaal ៖អ្នកគ្មានចេះស្អីទេពីបាល់ទាត់ បើថាទម្រង់ ៥-៣-២ ជាទម្រង់ការពារ

2021-09-08 08:32:53
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Louis van Gaal គ្រូបង្វឹកក្រុមជម្រើសជាតិហុល្លង់បានស្ដីបន្ទោសទៅអ្នកកាសែតវិញ ដែលបានចោទសំនួរថាលោករៀបទម្រង់លេងការពារដូចក្រុម Chelsea ដែរ។

អតីតអ្នកចាត់ការល្បីឈ្មោះខាងលើ បានត្រលប់មកដឹកនាំក្រុមជម្រើសជាតិហុល្លង់ជាលើកទី៣ ហើយក៏ឃើញថាទម្រង់លេងក្រុមអធិរាជទឹកក្រូចនេះលេងល្អខ្លាំងដែរ។ ពួកគេលេងជម្រុះ World Cup ៣ប្រកួតចុងក្រោយក្រោមការដឹកនាំរបស់អតីតអ្នកចាត់ការក្រុម Man Utd គឺទទួលបានលទ្ធផលឈ្នះ២ប្រកួត និងស្មើ១ប្រកួត។ ប្រកួតថ្មីៗនេះ ឈ្នះក្រុមទួរគីក្នុងលទ្ធផល ៦-១។

កាលពីថ្មីៗនេះ ក៏មានអ្នកកាសែតបានចោទសំនួរថាលោក Van Gaal កំពុងរៀបចំក្រុមទម្រង់ការពារសម្រាប់លេងដែរ គឺ ៥-៣-២។ តែសម្រាប់ការសួរបែបនេះ ត្រូវបានគ្រូបង្វឹកពោរពេញដោយបទពិសោធខាងលើឆ្លើយតបវិញថា៖ “អ្នកគ្មានចំណេះដឹងអំពីបាល់ទាត់ទេ។ អ្នកគឺជាអ្នកសារព័ត៌មានដែលចង់ចែករំលែកចក្ខុវិស័យរបស់គាត់ប៉ុន្តែអ្នកមិនមានចក្ខុវិស័យទេ។ ជាមួយទម្រង់ ៥-៣-២ អ្នកអាចប្រយុទ្ធបានយ៉ាងល្អ ហើយ Tuchel ក៏បានបង្ហាញវាដែរ”៕

ប្រភព៖ Give Me Sport យ៉ា ណុត