ចរិតពិតរបស់ PSY ត្រូវបែកធ្លាយ ពេលហៅ HyunA ឲ្យចូល PNATION តាំងពីមុនផលិតកម្មបង្កើតទៀត

2021-09-10 00:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយចេញពីផលិតកម្ម Cube តារាចម្រៀង HyunA ពិតជាទទួលនូវក្ដីអាណិតជាច្រើនពីសំណាក់អ្នកគាំទ្រ ដោយសារតែនាងសារភាពពីទំនាក់ទំនងស្នេហាជាមួយនឹង DAWN។ ប៉ុន្តែស្ថិតក្នុងពេលលំបាកបែបនេះ PSY ក៏លេចមុខ។

ក្លាយជាតារាចម្រៀងក្នុងផលិតកម្ម PNATION តារាចម្រៀង HyunA ពិតជាទទួលបានជោគជ័យជាបន្តបន្ទាប់ ពេលចេញបទទោលថ្មីម្ដងៗ ហើយពេលនេះនាងក៏បង្ហាញមុខជាមួយនឹងគូស្នេហ៍ទៀតគឺ DAWN។

ជាក់ស្ដែងពេល Rolling Stone ធ្វើបទសម្ភាសជាមួយនឹង HyunA សំណួរមួយបានលេចឡើង នោះគឺ «តើអ្នកត្រូវបានគេបញ្ចុះបញ្ចូលឲ្យចូលមកក្នុងផលិតកម្ម PNATION បានយ៉ាងដូចម្ដេចទៅ តាំងពីថ្ងៃដំបូង?»

តបនឹងសំណួរនេះ HyunA ថាដំបូងឡើយនាងត្រឹមជាអ្នកស្រឡាញ់គាំទ្រ PSY ហើយពេលឃើញលោកសម្ដែងបទ «Bird» នាងស្រាប់តែមានប្រាថ្នាថាចង់ក្លាយជាតារាចម្រៀងដែរ។ រហូតពេលនាងបានចេញមុខ នាងក៏មានសំណាងបានរួមការងារជាមួយ PSY តាមរយៈបទ «Gangnam Style»។

ដោយសារភាពចុះសម្រុងនឹងការងារជាមួយគ្នា PSY ក៏បាននិយាយប្រាប់ HyunA ជារឿយៗថា ថ្ងៃណាមួយលោកចង់រួមសហការការងារជាមួយនាងទៀត។ រហូតដល់ឆ្នាំ ២០១៩ ជាពេលដែល HyunA ត្រូវការផលិតកម្មជ្រកកោន ក៏ត្រូវចំពេល PNATION ទើបបង្កើតថ្មីថ្មោងផង រួចនាងក៏ចូលផលិតកម្មនេះតែម្ដងដោយមិនអល់អែក។