សមាជិក ENHYPEN ទាំងអស់ផុតទុក្ខផុតភ័យរួចពី COVID-19 ហើយ និងត្រៀមចេញអាល់ប៊ុមថ្មីឆាប់ៗ
- 2021-09-16 07:47:07
- ចំនួនមតិ 0 | ចំនួនចែករំលែក 0
សមាជិក ENHYPEN ទាំងអស់ផុតទុក្ខផុតភ័យរួចពី COVID-19 ហើយ និងត្រៀមចេញអាល់ប៊ុមថ្មីឆាប់ៗ
ចន្លោះមិនឃើញ
ក្រុមចម្រៀង ENHYPEN បានឲ្យដឹងថាពេលនេះ ពួកគេកំពុងត្រៀមខ្លួនចេញបទថ្មី វិលវិញជួបជាមួយនឹងអ្នកគាំទ្រ ក្រោយបញ្ចប់ការធ្វើចត្តាឡីស័ករួច។
ថ្មីៗនេះ គណនី Twitter ផ្លូវការរបស់ ENHYPEN បានបង្ហោះសារស្វាគមន៍ ក៏ដូចជាជូនដំណឹងរីករាយមួយទៅកាន់អ្នកគាំទ្រទាំងអស់ថា៖ «ENHYPEN ទាំងអស់គ្នា! ពួកយើងនឹកអ្នកណាស់ ENGENE!» ដោយភ្ជាប់ជាមួយនឹងរូបថតជាក្រុម។
មុននេះដែរ BELIFT LAB ក៏បានចេញសេចក្ដីជូនដំណឹងដែរទាក់ទងនឹងការជាសះស្បើយរបស់សមាជិក ENHYPEN ទាំងអស់៖
«សួស្ដី នេះគឺផលិតកម្ម BELIFT LAB! ស្របពេលសមាជិកក្រុម ENHYPEN មាន Jungwon, Heesung, Jay, Jake, Sunghoon និង Ni Ki បានជាសះស្បើយទាំងស្រុងពីជំងឺកូវីដ១៩ យើងក៏សូមជម្រាបជូនដំណឹងទៅកាន់អ្នកទាំងអស់គ្នាថា ពួកគេបានចេញពីកន្លែងសម្រាកព្យាបាលហើយ ក៏ដូចជាបញ្ចប់ការធ្វើចត្តាឡីស័កចប់សព្វគ្រប់ដូចគ្នានៅថ្ងៃទី១៦ ខែកញ្ញានេះ។
សមាជិកម្នាក់ៗក៏មិនមានបញ្ហាសុខភាពអ្វីដែរ។ Sunoo ក៏បានធ្វើតេស្ត ហើយលទ្ធផលចេញមកគឺ អវិជ្ជមាន អំឡុងពេលពិនិត្យសុខភាពម្ដងហើយ ម្ដងទៀតដើម្បីធានាពីសុវត្ថិភាពពេលធ្វើចត្តាឡីស័ក។ សូមអរគុណចំពោះអ្នកគាំទ្រទាំងអស់ដែលបានបារម្ភពីសុខភាពរបស់តារារបស់ពួកយើង។
ចំណែកអាល់ប៊ុមធំ ដំបូងរបស់ ENHYPEN នឹងចេញផ្សាយនៅខែតុលាខាងមុខ។ យើងនឹងជូនដំណឹងពីកាលវិភាគលម្អិត ជាបន្តបន្ទាប់។ ពួកយើងនឹងបន្តគិតពីសុខភាព និងសុវត្ថិភាពរបស់តារាៗជាអាទិភាព ក៏ដូចជានឹងគោរពតាមការណែនាំពីការរក្សាគម្លាតឲ្យបានល្អ! សូមអរគុណ»៕