គង់ នីកា វគ្គសិក្សាគ្រូកម្រិត១ កីឡាហុកគី ធ្វើឲ្យខ្លួនកាន់តែយល់ច្បាស់បន្ថែម
- 2021-09-28 09:35:47
- ចំនួនមតិ 0 | ចំនួនចែករំលែក 0
គង់ នីកា វគ្គសិក្សាគ្រូកម្រិត១ កីឡាហុកគី ធ្វើឲ្យខ្លួនកាន់តែយល់ច្បាស់បន្ថែម
ចន្លោះមិនឃើញ
កីឡាការិនី គង់ នីកា ថាវគ្គសិក្សាខ្លី «គ្រូកម្រិត១» គឺល្អសម្រាប់ខ្លួនតែម្ដង បាននូវចំណេះដឹងថ្មីៗអំពីកីឡានេះ នឹងធ្វើឲ្យរូបគេពង្រឹងសមត្ថភាពបន្ថែមឈានដល់ការក្លាយជាគ្រូនៅពេលខាងមុខ។
គង់ នីកា បានឲ្យដឹងថា ឆ្លងកាត់ការសិក្សាប៉ុន្មានថ្ងៃនេះគឺរូបគេទទួលបាននូវចំណេះដឹងថ្មីៗជាច្រើនពីវគ្គសិក្សាគ្រូកម្រិត១ នេះ។ រូបគេរឹតតែច្បាស់លើតិចនិកផ្សេងៗបច្ចេកទេសលេងកាន់តែស៊ីជម្រៅជាងមុន និងវិធីសាស្ត្រក្នុងការបង្ហាត់បង្រៀនបន្តទៀតផងដែរ។
កីឡាការិនីជម្រើសជាតិខាងលើបង្ហាញនូវទឹកចិត្តរីករាយដែលបានចូលរួមវគ្គសិក្សាមួយនេះ នឹងសំណូមពរឲ្យសហព័ន្ធបង្កើតឲ្យមានជាវគ្គសិក្សាផ្សេងៗទៀត ព្រោះទទួលបានទាំងទ្រឹស្ដី និងការអនុវត្តន៍ផ្ទាល់។
រំលឹកដែរថា វគ្គសិក្សាខ្លី «គ្រូបង្វឹកកម្រិត១» ធ្វើឡើងចាប់ពីថ្ងៃទី២៤ ដល់ ៣០ ខែកញ្ញា ឆ្នាំ២០២១ នៅគណៈកម្មការជាតិអូឡាំពិកកម្ពុជា (NOCC) និងតាមប្រព័ន្ធ Online។ ចំពោះសិក្ខាកាមចូលរួមសរុប ២៥នាក់មកពីបណ្ដាក្លឹបនានា៕