ឲ្យពរម្នាក់មួយផង! ពេលនេះ Linda ដាក់ពាក្យចូលជាបេក្ខនារីកម្ពុជាប្រកួតកម្មវិធី I-LAND2 របស់កូរ៉េហើយ

2021-09-30 04:08:15
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធី I-LAND 2 បានប្រកាសទទួលពាក្យចូលរួមប្រកួតហើយ ដើម្បីជ្រើសយកជើងខ្លាំងផ្នែកនារីៗ មកក្លាយជាតារារបស់ខ្លួន បន្ទាប់ពីជោគជ័យរដូវកាលមុន ហើយបង្កើតបានជាក្រុម ENHYPEN។

ជាក់ស្ដែងបេក្ខនារីដែលមានសិទ្ធិចូលប្រកួតបានត្រូវតែជាអ្នកដែលមានសមត្ថភាពសិល្បៈ ជាពិសេសរាំច្រៀង ហើយជាពិសេសត្រូវតែជាអ្នកដែលកើតពីខែមករា ឆ្នាំ ២០០០ ដល់ខែធ្នូ ឆ្នាំ២០០៩។ ជាមួយគ្នានោះ អ្នកដែលមានចំណាប់អារម្មណ៍អាចដាក់ពាក្យចូលប្រកួតបាននៅទូទាំងពិភពលោក។

ឱកាសល្អដល់ពេលលេចមុខហើយ ដូច្នេះ Linda_Vee ដែលជាយុវតីកម្ពុជា គ្រប់គ្នាស្គាល់ច្បាស់ថាក៏ជាអ្នកពូកែរាំ មានសមត្ថភាពខ្ពស់ ទាំងស្អាត ទាំងឆ្លាតផង ក៏បានដាក់ពាក្យចូលប្រកួតកម្មវិធីធំនេះដែរ។

និយាយក្នុង Instagram Story នាងក៏បាននិយាយដែរថា នាងរំភើបនឹងការដែលគ្រប់គ្នាលើកទឹកចិត្តនាង ឲ្យស៊ូក្នុងកម្មវិធីនេះ។ សម្រាប់ Linda ខ្លួនឯងក៏សន្យាថានឹងប្រឹងឲ្យអស់ពីសមត្ថភាព ឯលទ្ធផលបែបណា នាងនឹងទទួលយកទាំងអស់ ព្រោះយ៉ាងណាវានឹងមិនធ្វើឲ្យនាងស្ដាយក្រោយទៅថ្ងៃមុខ។