ចេញយប់មិញ! ថ្ងៃនេះ AirPods ជំនាន់ទី ៣ ចេញតម្លៃឲ្យកុម្ម៉ង់ទិញនៅខ្មែរហើយ
- 2021-10-19 08:05:52
- ចំនួនមតិ 0 | ចំនួនចែករំលែក 0
ចេញយប់មិញ! ថ្ងៃនេះ AirPods ជំនាន់ទី ៣ ចេញតម្លៃឲ្យកុម្ម៉ង់ទិញនៅខ្មែរហើយ
ចន្លោះមិនឃើញ
AirPods 3rd generation ដែលប្រកាសចេញផ្លូវការកាលពីយប់មិញនេះ ត្រូវបានហាងធំមួយនៅខ្មែរ បើកទទួលការកុម្ម៉ង់ទិញហើយ ដែលជាស្តុកដំបូងពី Apple USA នេះបើតាមការបញ្ជាក់ពីហាង UFO Store ។
AirPods 3rd generation កាសឥតខ្សែជំនាន់ទី៣នេះ មានមុខងារ Adaptive EQ និង spatial audio ជាមួយតួខ្លួនមីដូចនឹង AirPods Pro ប៉ុន្តែមានថាមពលថ្មកាន់យូរជាងមុន រហូតដល់ទៅ ៦ម៉ោង ហើយបើប្រើប្រអប់សាក អាចប្រើកាសដល់ទៅ ៣០ម៉ោង ប្រើពេលសាកថ្ម៥នាទី អាចស្ដាប់បានដល់ទៅ ១ម៉ោង។
តាមដំណឹងពីហាង UFO Store ដែលមានបង្ហាញនេះ សម្រាប់ការដាក់ឲ្យកុម្ម៉ង់ទិញ កាសឥតខ្សែជំនាន់ទី៣នេះ មានតម្លៃប្រមាណជា ២០៩ដុល្លារ។ គួរឲ្យដឹងដែលថា AirPods 3 ដាក់លក់តម្លៃ ១៧៩ដុល្លារសម្រាប់ទីផ្សារបរទេស និងចាប់ផ្ដើមបើឲ្យកុម្ម៉ង់ទិញចាប់ពីថ្ងៃនេះទៅ នឹងដាក់លក់ផ្លូវការនៅសប្ដាហ៍ក្រោយ នាថ្ងៃចន្ទ ទី២៥ ខែតុលានេះ។
គូសបញ្ជាក់ថា AirPods 3 និងប្រអប់សាក MagSafe Charging Case ក៏បានបំពាក់ IPX4 សម្រាប់ការពារទឹក និងញើសពេលដែលពាក់នឹងត្រចៀកផងដែរ។ លើសពីនេះ វាក៏មានមុខងារ Instant connection ពេលស្ដាប់តន្រី្តពី Mac អ្នកក៏អាចទទួលទូរសព្ទពី iPhone ដោយមិនបាច់ភ្ជាប់ឧបករណ៍ទៅមកនោះទេ៕