Ronaldo ចេញសារពិសេសមួយក្រោយចាញ់ Man Utd ចាញ់ Liverpool ៥-០

2021-10-25 12:02:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Cristiano Ronaldo បានចេញសារបែបអន់ចិត្តនឹងខ្លួនឯង ក៏ដូចជាលើកចិត្តឲ្យក្រុមខិតខំឡើងវិញនៅលើបណ្ដាញសង្គម Instagram របស់ខ្លួនក្រោយចាញ់ក្លឹប Manchester United បានចាញ់ប្រកួត Premier League នឹងក្លឹប Liverpool កាលពីយប់ម្សិលមិញ(ម៉ោងកម្ពុជា) នូវលទ្ធផល ៥-០។

Ronaldo បានសរសេរ៖" នៅពេលខ្លះ លទ្ធផលដែលចេញមកគឺមិនមែនជាអ្វីដែលយើងខិតខំប្រកួតមកនេះទេ ហើយពេលខ្លះទៀត ពេលស៊ុតចូលតែមុខ ក៏មិនមែនជាអ្វីដែលយើងចង់បានផងដែរ។ អញ្ចឹងហើយអ្វីៗគឺលើយើងទាំងអស់ មានតែលើយើងខ្លួនឯងទេ ដែលធ្វើឲ្យអ្វីៗទាំងអស់ហ្នឹងកើតឡើង អ្វីៗជាបន្ទុករបស់យើង អញ្ចឹងយើងមិនអាចបន្ទោសអ្នកណាផ្សេងក្រៅពីយើងនោះទេ។ និយាយទៅមានតែអរគុណដល់អ្នកគាំទ្រទេ ដែលនៅតែគាំទ្រ។ ពួកគេសមតែទទួលបានលទ្ធផលពីយើងល្អជាងនេះ ព្រោះអ្វីៗលើយើងជាអ្នកសម្រេចឲ្យ អញ្ចឹងឥឡូវនេះដល់ពេលដែលយើងត្រូវធ្វើអញ្ចឹងហើយ "។

សូមរំលឹកផងដែរនៅក្នុងការប្រកួតខាងលើ Liverpool ស៊ី៤គ្រាប់មុនទៅហើយនៅតង់ទី១ និង១គ្រាប់បន្ថែមទៀតនៅដើមតង់ទី២។ នៅក្នុងប្រកួតនេះ Ronaldo ក៏ទទួលបានកាតលឿងផងដែរ ក្រោយទាត់ Curtis Jones នៅចុងតង់ទី១ រីឯ Pogba ទទួលបានកាតក្រហមបន្ទាប់ពីឈូស Naby Keita នៅនាទី៦០៕

ប្រភព៖ Marca ប្រែសម្រួល៖ ហ៊ីម រស្មី