James ខឹងដូចកំរោលចូលចង់ស្ទុះទៅវាយអាជ្ញាកណ្ដាល ក្រោយបានកាតលឿង
- 2021-11-01 02:24:14
- ចំនួនមតិ 0 | ចំនួនចែករំលែក 0
James ខឹងដូចកំរោលចូលចង់ស្ទុះទៅវាយអាជ្ញាកណ្ដាល ក្រោយបានកាតលឿង
ចន្លោះមិនឃើញ
ខ្សែបម្រើប្រយុទ្ធ James Rodriguez ទទួលបានកាតលឿង២ស្មើនឹងកាតក្រហមត្រូវបណ្ដេញចេញពីទីលាន បន្ទាប់ពីបង្ហាញសកម្មភាពស្រែកដាក់អាជ្ញាកណ្ដាលអំឡុងពេលលេងឲ្យក្លឹបថ្មី Al Rayyan ក្នុងប្រទេសកាតា។
James ដែលបានផ្លាស់ពី Everton ទៅលេងនៅលីគក្នុងប្រទេសកាតាក្នុងរដូវកាលនេះបានបញ្ចេញកាយវិការមិនសមរម្យសោះក្នុងជំនួប Al Rayyan ចាញ់ក្រុម Al-Ababi ១-២ កាលពីចុងសប្ដាហ៍។ ដំបូងឡើង James ត្រូវបានប៉ះទង្គិចដោយកីឡាកររបស់ក្រុមប្រជែងនៅក្បែងប្រអប់គ្រោះថ្នាក់។
អាជ្ញាកណ្ដាលបានសម្រេចឲ្យបាល់ Free-Kick ទៅកាន់ក្រុម Al Rayyan ដោយកីឡាករសញ្ជាតិកូឡុំប៊ីជាអ្នករ៉ាប់រង។ ប៉ុន្តែពេលនោះ James បានតវ៉ានិយាយច្រើនពេក អាជ្ញាកណ្ដាលបានឲ្យកាតលឿងទៅគេមួយ។ មូលហេតុនេះហើយបានធ្វើឲ្យអតីតសមាជិកក្រុម Real Madrid ខឹងដូចកំរោលចូល ចង់ស្ទុះទៅវាយអាជ្ញាកណ្ដាលទៀត។
មើលឃើញពីសកម្មភាពមិនសមរម្យ អាជ្ញាកណ្ដាលបានឲ្យកាតលឿងមួយទៀតទៅ James ស្មើនឹងកាតក្រហមត្រូវបណ្ដេញចេញពីទីលានតែម្ដង។ ក្រោយមក Rodriguez បានដោះអាវរត់ចូលក្នុងបន្ទប់ផ្លាស់សំលៀកបំពាក់យ៉ាងលឿន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
