ឃើញតារាងនេះហើយស្ដាយណាស់សម្រាប់ U23 កម្ពុជាក្នុងពាន AFC U23 Asian Cup

2021-11-03 02:48:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតជម្រុះព្រឹត្តិការណ៍ 2022 AFC U23 Asian Cup នៅតាមពូលនីមួយៗបានបញ្ចប់ទៅកាលពីម្សិលមិញនេះ ក្នុងនោះកម្ពុជាទទួលបានចំណាត់ថ្នាក់លេខរៀងទី៧ ក្នុងតារាងចំណាត់ថ្នាក់លេខ២ល្អ។

ក្នុងតារាងលេខ២ល្អនេះឃើញពិន្ទុកម្ពុជាស្មើក្រុមលេខ២ជាច្រើនទៀតគ្រាន់តែចាញ់គ្រាប់ស៊ុតប៉ុណ្ណោះ។ ក្រោយឃើញតារាងនេះពិតជាចូលរួមសោកស្ដាយយ៉ាងខ្លាំងសម្រាប់កម្ពុជា ប៉ុន្តែយ៉ាងណាក្រុមការងាររួមទាំងគ្រូបង្វឹកកម្ពុជាបានបង្ហាញអារម្មណ៍ពេញចិត្តសម្រាប់ទម្រង់លេងរបស់ U23 កម្ពុជាក្នុងព្រឹត្តិការណ៍ខាងលើនេះ។

ក្នុងព្រឹត្តិការណ៍ខាងលើកម្ពុជាបានយកឈ្នះយុវជនហុងកុង ៤-២ ក្រោយពេលនាំមុខ៤-០ ធ្វើឲ្យរបូតគ្រាប់បាល់ពីរគ្រាប់វិញនៅចុងម៉ោង។ ចំណែកការប្រកួតមួយទៀតទល់ជប៉ុនកម្ពុជាបានចាញ់យុវជនជប៉ុន៤-០៕

អត្ថបទ៖ ស្រី សុវណ្ណដារ៉ា