ធ្លាប់តែជាយក្សបច្ចេកវិទ្យា ក្ដាប់តម្លៃមូលធនទីផ្សារ (Market Cap) ខ្ពស់ជាងគេ ពេលនេះតំណែងឯកទី១ របស់ Apple ត្រូវបានដណ្ដើមយកដោយ Microsoft ដែលមានតម្លៃមូលធនទីផ្សារខ្ពស់ជាងគេដល់ទៅ ២,៥០១ ទ្រីលានដុល្លារ។ នេះបើយោងទៅតាម Companies Market Cap គិតត្រឹមដើម ខែវិច្ឆិកា ឆ្នាំ២០២១។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ងាកមក Apple វិញ មានតម្លៃមូលធនទីផ្សារត្រឹម ២,៤៦១ ទ្រីលានដុល្លារ គឺឈរនៅលេខរៀងទី២ប៉ុណ្ណោះ គិតត្រឹម ខែវិច្ឆិកា ឆ្នាំ២០២១។ យ៉ាងណាមុននេះ Apple បានឈរនៅលេខរៀងទី១ ដែលមានតម្លៃ ២,១១៥ ទ្រីលានដុល្លារ គិតត្រឹម ខែមិថុនា ឆ្នាំ២០២១។

ចំណាំ៖

• មូលធនទីផ្សារ (Market Capitalization ហៅកាត់ថា Market Cap) គឺជាទ្រព្យ ឬទឹកប្រាក់សរុបរបស់ក្រុមហ៊ុនមួយ ដោយគណនាផ្អែកទៅលើ ចំនួនភាគហ៊ុនរបស់ក្រុមហ៊ុនកំពុងចរាចរណ៍លើទីផ្សារ។

• ១ទ្រីលានដុល្លារ ស្មើនឹង ១ ០០០ ០០០ ០០០ ០០០ ដុល្លារ។

ប្រភព៖ Companies Market Cap   ប្រែ​សម្រួល៖ កុសល