Rioថា Solskjaer គួរតែដល់ពេលឲ្យតំណែងអ្នកចាត់ការ Man Utd ទៅអ្នកផ្សេងដឹកនាំម្ដងហើយ

2021-11-10 12:21:06
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Rio Ferdinand អតីតកីឡាករក្លឹប Manchester United និងបច្ចុប្បន្នជាអ្នកអត្ថាធិប្បាយបាល់ទាត់នៅ BT Sports បាននិយាយកាលពីម្សិលមិញថា លោក Ole Solskjaer គួរតែដល់ពេលទុកតំណែងអ្នកចាត់ការក្លឹប Man Utd នេះទៅឲ្យអ្នកផ្សេង ដែលដឹកនាំល្អជាងលោកម្ដងហើយ។

លោក Rio បាននិយាយថា៖" ខ្ញុំតែងតែមើលលើការដឹកនាំរបស់លោក Ole បានស៊ីជម្រៅណាស់ អញ្ចឹងហើយខ្ញុំមានការសង្ស័យមែនទែនលើគាត់ថា តើគាត់អាចដឹកនាំយកឈ្នះពានឲ្យពួកយើងទាំងអស់គ្នានេះអត់? ចំពោះខ្ញុំ ខ្ញុំមិនប្រាកដថាគាត់អាចធ្វើបាននោះទេ ខ្ញុំមិនជឿជាក់ថាគាត់ធ្វើបានតែម្ដង ប៉ុន្តែសង្ឃឹមថា គាត់នឹងធ្វើបានទៅចុះ "។

លោកបានបន្តថា៖" ប៉ុន្តែបើមើលពីអ្វីដែលគាត់បានដឹកនាំចាប់តាំងពីដើមរដូវកាលនេះមក និងតាមអ្វីដែលខ្ញុំមើលឃើញបន្ថែមផ្សេងៗទៀត ខ្ញុំមានអារម្មណ៍ថា វាដល់ពេលហើយ ដែលគាត់ត្រូវឲ្យតំណែងជាអ្នកចាត់ការ ទៅឲ្យអ្នកផ្សេង ដែលអាចធ្វើតាមអ្វី ដែលអ្នកគាំទ្រដូចពួកយើងចង់បាន "។

ក្រោមការដឹកនាំរបស់ Ole នៅខណៈនេះ Man Utd ឈរនៅលំដាប់ទី៦ ក្នុងការប្រកួត PL ដែលមាន ១៧ពិន្ទុ ខណៈអ្នកឈានមុខគេគឺក្លឹប Chelsea មាន ២៦ពិន្ទុ៕

ប្រភព៖ BBC អត្ថបទ៖ សេរី មង្គល