ចូលចិត្តញាំ និងដើរទិញឥវ៉ាន់ពេលទៅសិង្ហបុរី? ស្គាល់ផ្សារទំនើបទាំងនេះ ពិតជាមិនខុសបំណង

2021-11-13 02:59:09
ចំនួនមតិ 0 | ចំនួនចែករំលែក 0

ចន្លោះមិនឃើញ

មានគម្រោងទៅដើរលេងនៅសិង្ហបុរី និងដើរផ្សារទិញឥវ៉ាន់ តែមិនដឹងថា ទៅផ្សារទំនើបមួយណាមែនទេ?

ពិតណាស់ សិង្ហបុរី គឺជាប្រទេសកោះតូចមួយ ប៉ុន្តែ ប្រមូលផ្តុំទៅដោយកន្លែងកម្សាន្តជាច្រើន ជាពិសេសផ្សារទំនើបនេះតែម្តង ដែលនឹងធ្វើឲ្យលោកអ្នកលំបាកក្នុងការសម្រេចចិត្តថា នឹងទៅផ្សារទំនើបមួយណា។ តាមពិតទៅ សិង្ហបុរី មានផ្សារទំនើបច្រើនជាងប្រទេសណាៗទាំងអស់នៅទ្វីបអាស៊ី បើធៀបទៅនឹងចំនួនប្រជាជនក្នុងប្រទេសនេះ។

ថ្ងៃនេះ Sabay សូមណែនាំលោកអ្នកនូវផ្សារទំនើប និងលក្ខខណៈពិសេសនានា ដែលគួរតែទៅសាកល្បង ប្រសិនបើអ្នកមានគម្រោងទៅដើរកម្សាន្តនៅសិង្ហបុរី ក្នុងពេលខាងមុខនេះ។

តំបន់កណ្តាល

ផ្សារទើបនានានៅ Marina Bay Sands

នៅទីនេះ គឺជាកន្លែងដ៏ល្អសម្រាប់ការដើរទិញឥវ៉ាន់ និងញាំអាហារឆ្ងាញ់ៗ ខណៈដែលលោកអ្នកនឹងឃើញទំនិញម៉ាកល្បីៗ នងប្រណីតៗជាច្រើន នៅផ្សារទំនើបនានា នៅ Marina Bay Sands។ ម៉ាកល្បីៗទាំងនោះរួមមាន Chanel, Fendi, Hermès, Tom Ford, Louis Vuitton រួមនឹងម៉ាកជាច្រើនទៀត ហើយលោកអ្នកក៏អាចទស្សនាការសម្តែងនៅ Sands Theatre ផងដែរ។

ផ្សារទំនើប Plaza Singapura

Plaza Singapura គឺជាផ្សារទើបមួយក្នុងចំណោមផ្សារទំនើបដែលលក់សម្ភារៈនានាដែលធ្វើឲ្យដៃ ដូចជានៅហាង Spotlight និង Art Friend ជាដើម ហើយលោកអ្នកក៏អាចរកទិញគ្រឿងសម្អាងនៅ Sephora និង NomadX ផងដែរ។

ផ្សារទំនើប Funan

Funan ធ្លាប់ត្រូវបានប្រើប្រាស់ជាមជ្ឈមណ្ឌលសម្រាប់គ្រឿងអេឡិចត្រូនិក និងព័ត៌មានវិទ្យា ដោយមានការផ្តល់ជូនជាពិសេស ប្រសិនបើអ្នកជាអតិថិជនទិញជាប្រចាំ។ ៣ឆ្នាំក្រោយមក ផ្សារនេះ ប្រមូលផ្តុំដោយទំនិញយ៉ាងសម្បូរបែប ដូចជា គ្រឿងអេឡិចត្រូនិក និងទំនិញធ្វើដោយដៃ ជាដើម ហើយក៏មានហាងអាហារដ៏ឆ្ងាញ់ពិសា ដូចជាអាហារជប៉ុន និងប៉ាគីស្ថាន ក៏ដូចជា រោងភាពយន្ត ជាដើម។

ផ្សារទំនើបនេះ មានកន្លែងស្នាក់នៅរួមគ្នាមួយឈ្មោះថា Lyf Funa ខណៈដែលនៅទីនោះ ក៏មានកន្លែងសម្រាប់អ្នកចូលកីឡាផងដែរ ដូចជ ការឡើងជញ្ជាំងថ្ម និងជិះកង់កម្សាន្តក្នុងផ្សារ ផងដែរ។

តូបលក់ទំនិញដ៏គួរឲ្យចាប់អារម្មណ៍ ដូជា The Green Collective ដែលជាកន្លែងលក់ទំនិញរាយសម្រាប់អ្នកប្រើប្រាស់ ជាដើម។ មិនត្រឹមតែប៉ុណ្ណោះលោកអ្នកក៏អាចរៀនចម្អិនម្ហូបអាហារនៅស្តូឌីយោបង្រៀនចម្អិនម្ហូប ABC និងនៅ Godmama ជាដើម។

លោកអ្នកក៏អាចរកជាវស្បែកជើងប៉ាតម៉ូតថ្មីបំផុតនៅហាង JD ឬ ទៅហាង Sinpopo ដើម្បីរកទិញនំខេកធ្វើឲ្យដៃ ដែលមានរសជាត៏មានប្រជាប្រិយភាពដូចជា Mao Shan Wang Durian Cake, Pandan Kaya Cake និង Gula Melaka Cake ក៏ដូចជាទៅហាងលក់ខោអាវ Love Bonito ជាដើម។

ផ្សារទំនើប Ngee Ann City

ក្នុងនាមជាផ្សារទើបមួយក្នុងចំណោមផ្សារទំនើបលំដាប់កំពូល Ngee Ann City គឺជាកន្លែងលក់ទំនិញប្រណីត និងម៉ាកល្បីៗជាច្រើន ដូចជា ហាង Takashimaya ហាងលក់សៀវភៅ Kinokuniya និងហាងសាឡន ជាដើម។

ផ្សារទំនើប Wheelock Place

ការចនាជាមួយនឹងដំបូលកញ្ចក់ ការប្រមូលផ្តុំដោយហាងលក់សៀវភៅ អគារការិយាល័យ និងសាលលក់អាហារ Marks & Spencer សុទ្ធសឹងជាចំណុចជាពិសេសរបស់ផ្សារទំនើប Wheelock Place។

ផ្សារទំនើប OUE Downtown

ផ្សារទំនើបនេះ មានលក្ខខណៈប្លែកពីគេ ដោយសារតែប្រមូលផ្តុំដោយហាងលក់ផលិតផលថែរក្សាសម្រស់ជាច្រើន ស្របពេលដែលលោកអ្នកក៏អាចរកឃើញកន្លែងហាត់ប្រាណធ្វើឲ្យមានរាងស្អាត និងសុខភាពល្អផងដែរ។

ផ្សារទំនើប ION Orchard

ដូចដែលលោកអ្នកបានដឹងហើយថា ផ្សារទំនើបដែលមានភាពល្បីល្បាញបំផុតនៅសិង្ហបុរី គឺស្ថិតនៅលើវិថី Orchard Road។ នៅទីនេះ មានហាងលក់រាយច្រើនជាង៣០០កន្លែង ស្របពេលដែលលោកអ្នកក៏អាចញាំអាហារ និងផឹកកាហ្វេ នៅទីនោះផងដែរ។

ផ្សារទំនើប Tanglin Mall

ក្នុងនាមជាផ្សារទំនើបដ៏មានប្រជាប្រិយភាពសម្រាប់ជនបរទេស Tanglin Mall ប្រមូលផ្តុំដោយហាងលក់សម្ភារៈសម្រាប់ដេគ័រជាច្រើន ជាពិសេសទំនិញដ៏មានគុណភាពមកពីអឺរ៉ុប។

ផ្សារទំនើប Bugis+ និង Bugis Mall

Bugis គឺជាមជ្ឈមណ្ឌលដែលមានអាយុកាលជាយូរមមកហើយ និងជាកន្លែងទីប្រជុំជន។ នៅលើវិថី Bugis មានហាង និងកន្លែងកម្សាន្តជាច្រើន ដូចជាហាងកាហ្វេ កន្លែងលេងហ្គេមកម្សាន្ត កន្លែងគប់ព្រួញ និងខារ៉ាអូខេ ជាដើម។ មិនត្រឹមតែប៉ុណ្ណោះ លោកអ្នកក៏អាចដើរកម្សាន្តបានទាំងនៅផ្សារទំនើប Bugis+ និង Bugis Mall ផងដែរ ដោយគ្រាន់តែឆ្លងកាត់ស្ពានភ្ជាប់គ្នាមួយប៉ុណ្ណោះ។

នៅទីនោះ លោកអ្នកនឹងឃើញតូបលក់ទំនិញជាច្រើនប្រភេទ ក៏ដូចជាភោជនីយដ្ឋាន ដ៏សម្បូរបែប។ Editor គឺជាកន្លែងលក់ខោអាវគ្រប់ម៉ូត និងទាន់សម័យ ស្របពេលដែលលោកអ្នកក៏អាចជាវទំនិញដែលមានយីហោល្បីៗដូចជា Puma, Pull & Bear, Fred Perry និង Aldol ផងដែរ។ ជាមួយគ្នានេះ លោកអ្នកអាចសាកល្បងលេងលើជំនាញលេងហ្គេមរបស់អ្នក ជាមួយនឹងម៉ាស៊ីនហ្គមេ UFO។

ផ្សារទំនើប 313@Somerset

313@Somerset មានទំនិញលក់រាយដែលមានតម្លៃសមរម្យដ៏សម្បូរបែប ក៏ដូចជា ទំនិញម៉ាកក្នុងស្រុកដូចជា Pomelo, Style Theory, Forever 21, Zara, Mango និង Cotton On។ លោកអ្នកក៏អាចសាកល្បងជាមួយនឹងស្បែកជើងប្រចាំហាងដូចជា Ecco និង Aldo ផងដែរ។

ផ្សារទំនើប Capitol Singapore

មានទីតាំងស្ថិតនៅ Capitol Theatre ផ្សារទំនើបនេះ ត្រូវបានរចនាជាពិសេសផ្នែកខាងក្នុង និងជាទីកន្លែងដែលប្រមូលផ្តុំដោយហាងល្បីៗជាច្រើនរបស់សិង្ហបុរី។

ផ្សារទំនើប Paragon

ស្ថិតនៅលើវិថី Orchard Road ផ្សារទំនើបនេះ មានអ្នកច្នៃម៉ូត និងម៉ាកល្បីៗជាច្រើន ហើយលោកអ្នកនឹងឃើញម៉ាកទំនិញជាច្រើនដូចជា Balenciaga, Burberry, Gucci, Loewe និង Miu Miu នៅជាន់ទី១ ហើយនៅជាន់ខាងលើ ក៏មានម៉ាកជាច្រើនដូចជា Marks & Spencer, Calvin Klein និងម៉ាកល្បីៗជាច្រើនទៀត។

ផ្សារទំនើប Suntec City

ផ្សារទំនើបនេះ មានហាងជាច្រើនដែលចេកចេញជា៤ផ្នែក ហើយការដើរទិញឥវ៉ាន់ក្នុងផ្សារទំនើបនេះ ដូចជាការធ្វើដំណើរកម្សាន្តមួយអ៊ីចឹង។ ក្រៅពីមានទូហ្គេម ខារ៉ាអូខេ កន្លែងលក់គ្រឿថែរក្សាសម្រស់ និងភោជនីយដ្ឋានរាប់មិនអស់ ក៏មានមជ្ឈមណ្ឌលសន្និបាទ Suntec City ផងដែរ ដែលស្ថិតក្បែរកន្លែងប្រគំតន្ត្រី និងកន្លែងតាំងពិពណ៌។

ផ្សារទំនើប Orchardgateway

ផ្សារទំនើបនេះ ក៏ស្ថិតនៅលើដងវិថី ION Orchard ដែលនៅមិនឆ្ងាយពីផ្សារ 313@Somerset ប៉ុន្មានឡើយ។ នៅទីនេះ លោកអ្នកអាចរកជាសម្លៀកបំពាក់បុរសយ៉ាងងាយនៅហាង Sects Shop ក៏ដូចជាហាង Actually។

ផ្សារទំនើប Millenia Walk

Millenia Walk អាចជាផ្សារទំនើបមួយក្នុងចំណោមផ្សារទំនើបដែលមានតម្លៃសមរម្យបំផុត នៅសិង្ហបុរី ប៉ុន្តែ ផ្សារទំនើបនេះ មានហាងដែលបម្រើជូនអាហារដ៏ឈ្ងុយឆ្ងាញ់ជាច្រើន ស្របពេលដែលក្លិបហាត់ប្រាណ និងហាងលក់គ្រឿងអគ្គិសនី ក៏មាននៅផ្សារទំនើបផងដែរ។

ផ្សារទំនើប City Square Mall

City Square Mall គឺជាផ្សារទំនើបដំបូងគេដែលមិនប្រើផ្លាស្ទីករបស់សិង្ហបុរី និងមានសួនឧស្យានឈ្មោះថា លើទំហំដី ៤៥៥២ម៉ែត្រការ៉េ។ នៅទីនោះ លោកអ្នកអាចទៅដើរកម្សាន្តនៅ Air Zone ដែលជាកន្លែងលេងនៅចន្លោះអគារប្រើដំបូលកញ្ចក់ដំបូងគេនៅលើពិភពលោក។ ផ្សារទំនើបនេះក៏ជាន្លែងរបស់ហាងល្បីៗក្នុងស្រុកជាច្រើនដូចជា Decathalon, Don Don Donki, Uniqlo និង UFC Gym។

ផ្សារទំនើប Far East Plaza

Far East Plaza ប្រមូលផ្តុំដោយហាងលក់ទំនិញជាច្រើនដែលមានតម្លៃសមរម្យ ដូចជា ហាងលក់គ្រឿងសម្អាង ផលិតផលថែរក្សាសម្រស់ និងសាឡន ជាដើម ហើយសូម្បីតែកន្លែងចាក់សាក់ ក៏នៅទីនោះដែរ។ លោកអ្នកក៏អាចភ្លក្សអាហារដ៏ឆ្ងាញ់ពិសារនៅភោជនីយដ្ឋាន Cahaya Restaurant, The Sushi Bar និង Ayam Penyet Ria ជាដើម។

តំបន់ខាងកើត

ផ្សារទំនើប Tampines 1

មានផ្សារទំនើបជាច្រើននៅតំបន់ភាគខាងកើតនៃប្រទេសសិង្ហបុរី ជាពិសេសជុំវិញស្ថានីយរថភ្លើង Tampines MRT ហើយ Tampines 1 គឺជាផ្សារទំនើបដែលមានភាពប្រណីតជាងគេ ក្រោយពីប្រមូលផ្តុំដោយហាងជាច្រើន ក៏ដូចជាកន្លែងហាត់ប្រាណ និងស្ប៉ា។

ផ្សារទំនើប Paya Lebar Quarter (PLQ Mall)

ផ្សារទំនើប PLQ Mall មានហាងច្រើនជាង២០០ក្នុងនោះរាប់បញ្ចូលទាំងហាងលក់ភេសជ្ជៈ និងអាហារ ផងដែរ ក៏ដូចជាក្លិបហាត់ប្រាណ ការិយាល័យ និងកន្លែងសិក្សាស្រាវជ្រា។

ផ្សារទំនើប Jewel Changi

ផ្សារទំនើប Jewel Changi ត្រូវបានរចនាជាពិសេស ដែលមានទីតាំងស្ថិតនៅអាកាសយាន្តដ្ឋាន Changi ហើយលក្ខណៈពិសេសរបស់ផ្សារនេះ គឺទឹកធ្លាក់កម្ពស់៤០ម៉ែត្រ និងមានហាងលក់ទំនិញច្រើនជាង២៨០កន្លែង។

ផ្សារទំនើប Kallang Wave Mall

Kallang Wave Mall គឺជាជម្រើសដ៏ល្អឥតខ្ចោះសម្រាប់អ្នកដែលចូលចិត្តញាំអាហារឆ្ងាញ់ៗ និងចូលចិត្តដើរទិញឥវ៉ាន់។ ផ្សារទំនើបនេះ ក៏ប្រមូលផ្តុំដោយហាងជាច្រើនដែលលក់សម្ភារៈកីឡា ផងដែរ ក៏ដូចជាហាង់លក់សម្លៀកបំពាក់ទាន់សម័យ H&M និង Cotton On ក៏ដូចជាសាលលក់ម្ហូបអាហារជាច្រើនចម្រុះគ្នា។ ជាមួយគ្នានេះ លោកអ្នកអាចទទួលយកបទពិសោធថ្មីន Yunomori ដែលជាកន្លែង Onsen និងស្ប៉ា លំដាប់លេខ១នៅអាស៊ីអាគ្នេយ៍ ក្រោយពីដើរផ្សារ និងញាំអាហាររួច។

តំបន់ខាងលិច

ផ្សារទំនើប Westgate Mall

Westgate Mall គឺជាផ្សារទំនើបសម្រាប់ទិញឥវ៉ាន់នានា និងប្រមូលផ្តុំដោយភោជនីយដ្ឋានដ៏សម្បូរបែប ដូចជា the Brotzeit German Bier Bar & Restaurant, Zaffron Kitchen ឬ Cat & The Fiddle។

ផ្សារទំនើប JEM

ផ្សារស្ថិតនៅតំបន់ខាងលិចមួយនេះ មានតូបលក់ទំនិចគ្រប់ប្រភេទឬាំងអស់ ចាប់ពីតូបលក់សម្លៀកបំពាក់ និងថែរក្សាសម្រស់់ រហូតដល់តូបលក់សៀវភៅ និងសម្ភារៈតុបតែងផ្ទះ។ ផ្សារទំនើប JCube

ក្រៅពីមានទីលានជិះស្គីលើទឹកកក ផ្សារលក់ទំនិញដ៏សម្បូរបែបដែលមានតម្លៃសមរ្យមមួយនេះ ក៏មានបាខារ៉ាអូខ និងរោងល្ខោន ផងដែរ។

តំបន់ខាងជើង

ផ្សារទំនើប Northpoint City

នេះគឺជាផ្សារទំនើបធំជាងគេបំផុតនៅតំបន់ភាគខាងជើង ហើយនៅទីនេះ មានហាងលក់អាហារដែលមានរចនាផ្សេងៗរហូតដល់ទៅ១០០ហាង ក្នុងនោះរាប់បញ្ចូលទាំងភោជនីយដ្ឋានអាហារកូរ៉េ Pizza Maru ផងដែរ។

ផ្សារំនើប Waterway Point

ផ្សារទើបដែលមានកម្ពស់៤ជាន់មួយនេះ មានតូបលក់ទំនិញច្រើនជាង២០០តូប ដែលលក់ទំនិញជាច្រើន ពោលគឺចាប់ពីហាងអាហារ រហូតដល់គ្រឿងសង្ហារឹម ហើយលោកអ្នកក៏អាចទៅទស្សនាខ្សែភាពយន្តនៅ Shaw Theatres IMAX ផងដែរ និងកន្លែងកម្សាន្តជាច្រើនទៀត

ផ្សារទំនើប Nex

ក្រៅមានមានហាងលក់ផលិតផលថែរក្សាសម្ផស្សជាច្រើន ផ្សារទំនើបនេះ ក៏ក្លិបហាត់ប្រាណ កន្លែងក្មេងលេង និងហាងលក់ទំនិញដ៏សម្បូរបែប។

តំបន់ខាងត្បូង

ផ្សារទំនើប VivoCity

ជាមួយនឹងការហាងលក់ទំនិញប្រណីតៗ និងម៉ាកល្បីៗច្រើនជាង៣០០កន្លែង ទូទាំងផ្ទៃដី១៤០.០០០ម៉ែត្រការ៉េ វាច្បាស់ណាស់ថា Vivocity ត្រូបានទស្សនាវដ្តី Forbes ផ្តល់ឈ្មោះថា ជាផ្សារទំនើបមួយក្នុងចំណោមផ្សារទំនើបដ៏ល្អបំផុតទាំង៥របស់សិង្ហបុរី កាលពីឆ្នាំ២០១៦។

ហាងលក់សម្លៀកបំពាក់ម៉ូតទាន់សម័យដែលមានភាពល្បីល្បាញ និងរចនាហាងដ៏ល្អប្រណីត រួមមាន MUJI, Tommy Hilfiger, Aesop និង Zara ដែលនាំឲ្យទាំងនេះ ក្លាយជាហាងលក់សម្លៀកបំពាក់ទាន់សម័យ ដ៏មានប្រជាប្រិយភាព។

ប្រសិនបើអ្នកចង់ទិញទំនិញធ្វើដោយដៃ លោកអ្នកអាចចូលមើលនៅហាង Chomel ដែលលក់គ្រឿងអលង្កាជាច្រើនប្រភេទ។ លោកអ្នកអាចភ្លក្សរសជាតិអាហារក្រៅម៉ោងប្រចាំតំបន់ជាប្រភេទ ក៏ដូចជា ជាវត្ថុអនុស្សាវរីយ៍ និងទឹកអប់ សូមធ្វើដំណើរទៅកាន់ TANGS។ ក្នុងនាមជាផ្សារទំនើបដ៏ធំបំផុតមួយរបស់សិង្ហបុរី ផ្សារទំនើបមួយនេះ មានភាពល្បីល្បាញទៅលើទំនិញម៉ាកល្បីៗទាំងក្នុងស្រុក និងអន្តរជាតិជាច្រើន។

Vivocity ត្រូវបានភ្ជាប់ជាមួយនឹង Sentosa តាមរយៈរថយន្តភ្លើងអគ្គិសនី Sentosa Express និង Harbourfront Centre។

ផ្សារទំនើប The Star Vista

The Star Vista គឺជាទីតាំងរបស់រោងមហោស្រប The Star Theatre ខណៈដែលផ្សារទំនើបមួយនេះ ក៏មានការផ្តល់ជូនព្រឹត្តិការណ៍ជាច្រើន ដូចជា ការបញ្ចាំងខ្សែភាពយន្ត និងការប្រកួតកីឡាបាល់សេរី៕

ប្រភពព័ត៌មាន៖ thehoneycombers.com

អត្ថបទ៖ In Sopheng