ប្រធានាធិបតីបារាំង បានប្ដូរទង់ជាតិផ្លូវការរបស់ប្រទេសខ្លួន

2021-11-17 11:21:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក អេម៉ានុយអែល ម៉ាក្រុង (Emmanuel Macron) ប្រធានាធិបតីប្រទេសបារាំង បានប្ដូរទៅប្រើប្រាស់ទង់ជាតិជាផ្លូវការប្រទេសរបស់ខ្លួន ដែលមានលក្ខណៈមានពណ៌ខៀវស្រាល ទៅជាពណ៌ខៀវដិត ជាពណ៌តំណាងកាលសម័យបដិវត្តបារាំងវិញ។ នេះបើយោងតាមប្រភពមន្ត្រីរដ្ឋាភិបាលបារាំង ដែលបានប្រាប់ទៅសារព័ត៌មានក្នុងស្រុក Europe 1 ដោយមានការចុះផ្សាយដោយ BBC កាលពីថ្ងៃទី១៥ ខែវិច្ឆិកា ឆ្នាំ២០២១កន្លងទៅនេះ។

ការប្ដូរទៅប្រើទង់ជាតិបារាំង មានពណ៌ខៀវដិតបែបនេះត្រូវបានលោកម៉ាក្រុង ប្រើប្រាស់នៅវិមានប្រធានាធិបតីបារាំង កាលពីឆ្នាំមុនមកម្ល៉េះ ដោយមិនមានការប្រកាសជាផ្លូវការ ក៏ដូចជាប្រារព្ធពិធីនៃការប្ដូរទង់ជាតិនេះឡើយ ជាពិសេសនោះគឺមិនតម្រូវឲ្យស្ថាប័ននានាប្ដូរពណ៌ទង់ជាតិតាមលោកឡើយ។

បើប្រភពខាងលើ រវាងពណ៌ខៀវស្រាល និងពណ៌ខៀវដិតនៅលើទង់ជាតិបារាំងនេះ ត្រូវបានប្រើប្រាស់លាយឡំគ្នាជាច្រើនឆ្នាំមកហើយនៅក្នុងប្រទេសនេះ ដោយឡែកតែខាងកងទ័ពជើងទឹក និងក្រសួងស្ថាប័ននានានៅក្នុងប្រទេសមួយចំនួនប៉ុណ្ណោះ ដែលបានប្រើប្រាស់ទង់ជាតិដែលមានពណ៌ខៀវដិតរហូតមក។

តាមពិតការប្ដូរពីពណ៌ខៀវដិត ទៅខៀវស្រាលនៅទង់ជាតិបារាំងនេះទើបតែប្រកាសប្ដូរជាផ្លូវការនៅ ឆ្នាំ១៩៧៦ ប៉ុណ្ណោះដោយសារទង់ជាតិបារាំង និងទង់ជាតិសហគមន៍អឺរ៉ុប (EU) តែងតែឈរជិតគ្នាគ្រប់កម្មវិធីអន្តរជាតិ ដែលជាហេតុនាំឲ្យប្រទេសមួយនេះបានប្ដូរទៅពណ៌ខៀវស្រាល ដូចទង់ជាតិEU តែម្ដង។

គួរបញ្ជាក់ផងដែរថា ចំពោះសម្រេចប្ដូរទៅពណ៌ខៀវដិតវិញ របស់លោកម៉ាក្រុងនេះ ក៏ត្រូវបានមនុស្សមួយចំនួនព្រួយបារម្ភ និងរិះគន់ផងដែរថា មិនស្អាត ខូចសោភ័ណនៅពេលដែលទង់ជាតិនេះដាក់ក្បែរទង់ជាតិ EU ដែលបង្កជាសកម្មភាព ភាពល្អក់កករជាមួយសហគមន៍មួយនេះ ប៉ុន្តែខាងមន្ត្រីពាក់ព័ន្ធរបស់បារាំងក៏បានបញ្ជាក់ផងដែរថា មិនមានចេតនាដូច្នោះនោះឡើយ៕

ប្រភព៖ BBC អត្ថបទ៖ សេរី មង្គល

ពាក្យទាក់ទង

Knowledge

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

ខួប៥០ឆ្នាំ Epson ៖ ទសវត្សរ៍ថ្មីនៃវិសាលភាព និងនវានុវត្តន៍នៅកម្ពុជា

ក្រុមហ៊ុន Smart Axiata ស្វាគមន៍ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា មកកាន់មជ្ឈមណ្ឌលគាំទ្រសហគ្រិន Smart Startup Space និងបង្ហាញពីការប្តេជ្ញាលើកកម្ពស់ និងគាំទ្រយុវជន

TikTok ជួយម្ចាស់អាជីវកម្មខ្មែរសម្រេចកំណត់ត្រាលក់ដាច់ខ្លាំងក្នុងរដូវបុណ្យភ្ជុំបិណ្ឌ

ជំនឿលាក់់មុខដែលនាំឱ្យមានការយល់ច្រឡំដែលបង្កើតទម្លាប់រស់នៅមិនល្អ និងនាំឲ្យមានការកើនឡើងនៃជម្ងឺបេះដូងចាប់ពីវ័យក្មេងទៅ

Midea រៀបចំសន្និសីទតំណាងចែកចាយលើកដំបូងរបស់ខ្លួននៅក្នុងទីផ្សារអាស៊ីប៉ាស៊ីហ្វិក ដោយបង្ហាញពីដំណោះស្រាយពិសេសចំនួន 5

អាកាសយានដ្ឋានអន្តរជាតិតេជោទទួលស្វាគមន៍ យន្តហោះ Cathay Pacific បណ្តោះអាសន្នក្នុងកំឡុងពេលឥទ្ធិពលព្យុះរ៉ាហ្គាសា