បង្ហាញឈ្មោះពិត Streamer ប្រុសកំពុងឡើងកូដ ៥ រូបនេះពិរោះម្យ៉ាងម្នាក់

2021-11-23 02:14:13
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពុងសាងប្រជាប្រិយភាពនៅលើបណ្ដាញសង្គមហ្វេសបុក អ្នកឡាយហ្គេម និងជា Caster ប្រចាំកម្ពុជាដែលតែងតែលេចមុខជាញឹកញាប់ក្នុងកម្មវិធីប្រកួតកីឡា E-Sport នាពេលកន្លងមកហ្វេនៗជាច្រើនបានស្គាល់ ពិសេសតាមរយ:ទឹកដៃលេងហ្គេមខ្លាំង និងពូកែរពាក្យសម្ដីឆ្លើយឆ្លងជាមួយហ្វេនជាដើម។

បង្ហាញភាពល្បីល្បាញនៅលើផេកហ្វេសបុកនៅពេលឡាយ តាមពិតទៅឈ្មោះនៅលើផេករបស់ពួកគេតែងប្រើនាមផ្សេងដើម្បីងាយស្រួលហៅនិងមានទាក់ទាញ។ ដូចនេះថ្ងៃ Sabay សូមបង្ហាញឈ្មោះពិតរបស់ Streamer ប្រុសកំពុងឡើងកូដខ្លាំងនៅខ្មែរទាំង ៥ នេះដែលមានឈ្មោះពិរោះៗនិងមានហ្វេនជាច្រើនមិនធ្លាប់ដឹង។

១. Mano Gaming មានឈ្មោះពិតថា ធាង វ៉ាធិប អាយុ ២៤ ឆ្នាំ ជាកូនទី២ ក្នុងគ្រួសារ មានបងប្អូន ៣ នាក់ សព្វថ្ងៃជាអ្នករស់នៅខេត្តឧត្តរមានជ័យ បច្ចុប្បន្នមានចំនួនអ្នកតាមដានជាង 724K Follower។

២. Mengly Gaming បុរស់សង្ហារពូកែរលេងពាក្យសម្ដីបៅពេលឡាយម្ដងៗនេះ មានឈ្មោះពិតថា សាន ម៉េងលី មានអាយុ ២៣ឆ្នាំជាអ្នករស់នៅភ្នំពេញ បច្ចុប្បន្នមានចំនួនអ្នកតាមដានជាង 530K Follower។

៣. Ic3_fr0Gz ដែលគ្រប់គ្នាស្គាល់តែនៅលើផេកហ្វេសបុក តាមពិតលោកមានឈ្មោះពិតថា អ៊ូរ សុខវឌ្ឍនៈវិជ្ជា មានអាយុ ២៦ ឆ្នាំ ជាកូនអ្នកនៅភ្នំពេញ បច្ចុប្បន្នមានចំនួនអ្នកតាមដានជាង 1M Follower។

៤.DLOW កំពុងឡើងកូដខ្លាំងក្នុងអាជីពជាអ្នកឡាយហ្គេម និងមានឈ្មោះពិតថា ទូច តុងហេង មានអាយុត្រឹម ១៧ឆ្នាំ ជាកូនទោលក្នុងគ្រួសារ រស់នៅភ្នំពេញ បច្ចុប្បន្នមានចំនួនអ្នកតាមដានជាង 429K Follower។

៥. Kbeez ដែលមានឈ្មោះពិតថា កង ស៊ីវយ៉ុង ដែលតែលេចមុខធ្វើជា Caster ជាមួយអាយដល់ ic3_fr0gz ជាញឹកញាប់ មានអាយុ២៤ឆ្នាំ មានបងប្អូន ៣នាក់ ជាកូនអ្នករស់នៅភ្នំពេញ បច្ចុប្បន្នមានចំនួនអ្នកតាមដានជាង 237K Follower។