ក្រុមកង់ខេត្តកំពត តាំងចិត្តមោះមុតដើម្បីប្រជែងមេដាយ WURKZMTBSeries នៅកំពង់ស្ពឺ

2021-11-26 07:07:23
ចំនួនមតិ 0 | ចំនួនចែករំលែក 0

ចន្លោះមិនឃើញ

តំណាងក្រុមកង់ខេត្តកំពត បានហ្វឹកហាត់ និងតាំងចិត្តមោះមុតរួចរាល់សម្រាប់ប្រជែងរកមេដាយក្នុងព្រឹត្តិការណ៍ប្រណាំងកង់ភ្នំ WURKZMTBSeries ដែលនឹងធ្វើឡើងនៅខេត្តកំពង់ស្ពឺ នៅថ្ងៃអាទិត្យ។

រូបភាពរបស់លោក ទូច ថាច

លោក ទូច ថាច តំណាងក្រុមកង់ខេត្តកំពត បានឲ្យដឹងថា ចំពោះការហ្វឹកហាត់ត្រៀមប្រកួតនៅកំពង់ស្ពឺលើកនេះកីឡាករ កីឡាការិនីម្នាក់ៗគឺបានត្រៀមរួចរាល់ហើយ។ អ្វីដែលជាការកត់សម្គាល់នោះក្រុមទាំង២២នាក់នេះមានទឹកចិត្តមោះមុតល្អមិនថាបច្ចេកទេស និងស្មារតីប្រកួតប្រជែងទេពោលរង់ចាំតែថ្ងៃប្រកួតមកដល់ប៉ុណ្ណោះ។

រូបភាពរបស់លោក ទូច ថាច

តំណាងក្រុមខាងលើនេះបន្ថែមទៀតថា លោកក៏ដូចជាក្រុមទាំងមូលមានការសប្បាយរីករាយជាខ្លាំងដែលមានព្រឹត្តិការណ៍ប្រណាំងកង់ WURKZMTBSeries នេះឡើង។ កម្មវិធីនេះគឺពិតជាមានសារសំខាន់ដល់ការបន្ថែមពិសោធ ពង្រឹងសមត្ថភាព កីឡាករ កីឡាការិនីចូលរួម និងជាការលើកស្ទូយវិស័យកីឡាជិះកង់នេះឲ្យកាន់តែរីកសុះសាយ។ តាមរយៈបទពិសោធនៃការប្រកួតនេះនឹងធ្វើឲ្យធនធានកីឡាករជិះកង់រឹតតែរីកចម្រើនឈានដល់ការប្រជែងកម្រិតអន្តរជាតិផងដែរ។

រូបភាពរបស់លោក ទូច ថាច

រំលឹកដែរថា ព្រឹត្តិការណ៍ WURKZMTBSeries ឬការប្រណាំងកង់ភ្នំ នេះនឹងធ្វើឡើងនៅថ្ងៃអាទិត្យ ទី២៨ ខែវិច្ឆិកា ២០២១ នៅភ្នំជាលក្នុងខេត្តកំពង់ស្ពឺ។ ចំពោះក្រុមកង់ខេត្តកំពតនឹងទៅចូលរួមទាំង២២នាក់ក្នុងn:មានកីឡាការិនី២ផងដែរ៕

អត្ថបទ៖ នួន ស៊ីណា