វី សម្ភស្ស ប្រាក់រង្វាន់៣លានដែលឈ្នះនេះគឺយកទៅ...
- 2021-11-30 02:40:39
- ចំនួនមតិ 0 | ចំនួនចែករំលែក 0
វី សម្ភស្ស ប្រាក់រង្វាន់៣លានដែលឈ្នះនេះគឺយកទៅ...
ចន្លោះមិនឃើញ
អ្នកប្រដាល់ជើងខ្លាំង វី សម្ភស្ស ថាប្រាក់រង្វាន់៣លានដែលទើបឈ្នះនេះគឺសន្សំទុកសម្រាប់ប្រើប្រាស់នៅពេលខាងមុខ និងមួយចំណែកយកទៅជូនម្ដាយ។
កីឡាករប្រដាល់សកលជម្រើសជាតិខាងលើនេះ បានឲ្យដឹងថា ទូច ដេវីត មកលើកនេះគឺប្លែកទាំងកម្លាំង និងបច្ចេកទេសគឺធ្វើបានល្អ ជាហេតុធ្វើឲ្យខ្លួនពិបាកខ្លះៗដែរក្នុងការយកឈ្នះនៃការប្រកួតផ្ដាច់ព្រ័ត្រដណ្ដើមប្រាក់លាន។
អ្នកប្រដាល់ត្រកូល វី រូបនេះបន្ថែមថា ចំពោះប្រាក់រង្វាន់ដែលទទួលបាន៣លាននេះមួយចំនួនសន្សំទុកសម្រាប់ខ្លួនឯងដែលត្រូវប្រើពេលខាងមុខណាមួយ និងប្រាក់មួយចំនួនទៀតជូនម្ដាយសម្រាប់ដោះស្រាវជីវភាព។ សម្ភស្ស សំណូមពរដល់បណ្ដាក្រុមហ៊ុនឲ្យជួយដល់សហព័ន្ធដើម្បីបង្កើតឲ្យមានកម្មវិធីប្រកួតផ្សេងៗងាយស្រួលពង្រឹងសមត្ថភាពកីឡាករ កីឡាការិនីឲ្យមានបទពិសោធកាន់តែច្រើន។
រំលឹកដែរថា កីឡាករ វី សម្ភស្ស បានយកឈ្នះកីឡាករ ទូច ដេវីត ក្នុងកម្មវិធីប្រដាល់ផ្ដាច់ព្រ័ត្រដណ្ដើមប្រាក់៣លានរៀលរបស់សហព័ន្ធប្រដាល់សកល កាលពីថ្ងៃទី២៨ ខែវិច្ឆិកា ២០២១ កន្លងទៅនេះ៕