Kross និង Casillasថា Messi មិនសមទទួលបានពាន Ballon d'Or ឆ្នាំ២០២១នេះទេ

2021-11-30 12:02:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Toni Kross បាននិយាយនៅលើ Podcast របស់ខ្លួន និង Iker Casillasបានបញ្ចេញមតិខ្លួនទៅអ្នកកាសែតក្នុងថ្ងៃនេះថា ខ្សែប្រយុទ្ធ Lionel Messi មិនសមទទួលបានពាន Ballon d'Or ឆ្នាំ២០២១នេះទេ។

Kross បាននិយាយថា៖" Meesi មិនសមនឹងទទួលបានការឈ្នះពាន Ballon d'Or នេះទេក្នុងឆ្នាំនេះ។ បើនិយាយពីសមត្ថភាពរបស់គេ រួមជាមួយ Ronaldo ដែរនោះ ច្បាស់ណាស់គេជាកីឡាករឆ្នើមរហូតមក ប៉ុន្តែនៅក្នុងឆ្នាំនេះ ពាននេះស័ក្ដិសមនឹងឲ្យកីឡាករផ្សេង ជាងឲ្យ Messi នេះ "។

បើ Casillas វិញក៏និយាយមិនខុសពី Kross ប៉ុន្មានដែរដោយថា គេទទួលស្គាល់ពិតជាកីឡាករឆ្នើម ក៏ប៉ុន្តែនៅក្នុងឆ្នាំនេះ ពាន Ballon d'Or នេះសមទៅនឹងកីឡាករផ្សេងក្រៅពី Messi ។

បើយោងតាមការចុះផ្សាយរបស់ Daily Mail ចំពោះខ្សែបម្រើ Real Madrid ខាងលើលើកឡើងថាអ្នកដែលគេគិតថាសមនឹងបានពាននេះជាងគេ មានដូចជា Benzema, Lewandowski ឬក៏ Jorginho ។

គួរបញ្ជាក់ផងដែរថា នៅក្នុងថ្ងៃនេះ Messi ជាកីឡាករឈ្នះ Ballon d'Or ប្រចាំឆ្នាំ២០២១នេះ ដែលសរុបមកកីឡាករនេះឈ្នះពាននេះ ៧ដងហើយ ដែលជាចំនួនច្រើនគេក្នុងប្រវត្តិសាស្ត្របាល់ទាត់៕

ប្រភព៖ Dailymail អត្ថបទ៖ សេរី មង្គល