EXO និង TWICE សុទ្ធតែបង្កើតប្រវត្តិសាស្ត្រអស្ចារ្យប្រចាំ MAMA និងមិនទាន់មានអ្នកបំបាក់បាននៅឡើយ

2021-12-02 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

MAMA ឆ្នាំ ២០២១ បានអង្រួនអារម្មណ៍អ្នកគាំទ្រជាថ្មី និងក៏ដល់ពេលគ្រប់គ្នាចាត់ការណ៍តាមការគួរ តបស្នងនូវការខិតខំប្រឹងប្រែងរបស់ Idol របស់ពួកគេដែលខំប្រឹងបង្ហាញទេពកោសល្យផ្គាប់ចិត្តពួកគេកន្លងមកមួយឆ្នាំនេះ។

សម្រាប់ពានរបស់កម្មវិធីវិញមានច្រើន ប៉ុន្តែ ២ ក្នុងចំណោម ៣ដែលសំខាន់ជាងគេគឺ “Artist of the Year” និង “Album of the Year” ក៏ជាពានដែលគ្រប់គ្នាចង់ដឹងថាអ្នកណាជាម្ចាស់ប្រចាំឆ្នាំដែរ។

ដូច្នេះពេលនេះក៏ដល់ពេល យើងក្រឡេកទៅកាលពីឆ្នាំមុនៗ អ្នកដែលឈ្នះបានពានជាច្រើនដែរនោះ គ្មានអ្នកណាក្រៅពី EXO និង TWICE ទេ។

បើគិតតែឆ្នាំនេះ EXO បានឈរឈ្មោះដណ្ដើមពានតែមួយទេគឺ “Worldwide Fans’ Choice Top 10”។ ប៉ុន្តែបើគិតតាំងពីឆ្នាំចេញមុខដំបូងគឺ ២០១២ ពួកគេបានឈរដណ្ដើមពាន ៤០ ពាន ឯណោះ និងឈ្នះបានពាន ១៦។ អ្វីដែលកាន់តែអស្ចារ្យទៀតនោះ មិនទាន់មានអ្នកណាអាចបំបែកកំណត់ត្រាចាស់របស់ EXO បាននៅឡើយទេ ព្រោះក្រុមនេះបានឈ្នះពាន «Album Of The Year» ដល់ទៅ ៥ឆ្នាំផ្ទួនៗជាបន្តបន្ទាប់ គិតចាប់ពីឆ្នាំ ២០១៣ ដល់ ២០១៧។

នៅឆ្នាំ ២០១៣ EXO ឈ្នះពាននេះ តាមរយៈអាល់ប៊ុម "XOXO”, ឆ្នាំ ២០១៤ អាល់ប៊ុម "Overdose” ឆ្នាំ ២០១៥ "Exodus” ឆ្នាំ ២០១៦ អាល់ប៊ុម "Ex’Act” និង ២០១៧ អាល់ប៊ុម "The War”។

សម្រាប់ TWICE វិញ ក៏បានបង្កើតប្រវត្តិសាស្ត្រប្រចាំនៅ MAMA ដែរ ព្រោះចាប់ពីឆ្នាំ ២០១៥ ដែលជាឆ្នាំចេញមុខមក ពួកគេមានឈ្មោះដណ្ដើម ៤០ពានឯណោះ ស្របពេលចំនួនឈ្នះគឺ ១៦ពាន។

ចូលដល់ ពានធំដែល TWICE ឈ្នះ ៣ឆ្នាំជាប់គ្នានោះគឺ ពាន «Song Of The Year» ដែលកំណត់ត្រានេះមិនទាន់មានក្រុមនារីណាធ្វើបាននៅឡើយ។

TWICE បានឈ្នះពាននេះដំបូងនៅឆ្នាំ ២០១៦ តាមរយៈបទ "Cheer Up”, ឆ្នាំ ២០១៧ បទ "Signal” និងឆ្នាំ ២០១៨ បទ "What Is Love?”។