អ្នកប្រើម្នាក់ៗមានកម្មវិធីលើ iPhone/iPad មិនតិចនោះទេ ដែលជាហេតុមាន Notification ច្រើនសន្ធឹកសន្ធាប់ ជួនកាលធ្វើឱ្យអ្នកមិនអាចឃើញ Notification សំខាន់ៗថែមទៀតផង។

ហើយបញ្ហានេះ មុខងារ Notification Summary លើ iOS 15 និង iPadOS 15 នឹងជួយអ្នកបាន។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

Notification Summary ជាមុខងារ បង្ហាញសារដំណឹងសង្ខេបបញ្ចូលគ្នាម្ដងទាំងអស់ ដោយអ្នកអាចកំណត់ម៉ោងដើម្បីអានសារទាំងនោះ។ អ្នកអាចប្រើវាសម្រាប់សារដំណឹងណាមិនសូវចាំបាច់ ហើយចំពោះកម្មវិធីណាចាំបាច់អានសារបន្ទាន់ ដូចជាកម្មវិធីផ្ញើសារ កម្មវិធីធនាគារជាដើម អាចទុកវាឱ្យនៅដដែល។

របៀបបើក និងប្រើមុខងារនេះ Notification Summary៖

• តម្រូវការ iPhone/iPad ប្រើ iOS/iPadOS 15 ឡើងទៅ
• បើកកម្មវិធី Settings > Notification

• ចូលទៅកាន់ Scheduled Summary ចុច Enable > Continue
• ជ្រើសរើសកម្មវិធីដែលចង់ឱ្យបង្ហាញសារក្នុង Notification Summary
• បន្ទាប់មកកំណត់ម៉ោងដែលអ្នកចង់មើល Notification Summary ឧទាហរណ៍ម៉ោងអ្នកទំនេរជាដើម
• ចុច Turn on Notification Summary និងត្រលប់ទៅផ្ទៀងផ្ទាត់កម្មវិធី និងម៉ោងវិញជាការស្រេច

• អ្នកក៏អាចរើសកម្មវិធីផ្សេងៗបន្ថែមទៀត ដោយត្រលប់ទៅមុខងារ Notification វិញដដែល ហើយចុចលើកម្មវិធីនីមួយ enable លើ Schedule Summary ដូចបង្ហាញខាងក្រោម។

បន្ទាប់ពីកំណត់រួច សារដំណឹងកម្មវិធីទាំងនេះ នឹងបង្ហាញខ្លួនតែពេលអ្នកទំនេរប៉ុណ្ណោះ មិនបង្ករការរំខាន លោតទីងទឹងទៀតនោះទេ៕

អត្ថបទ៖ កុសល