ចាប់អាជីពជា Streamerជាង១០ឆ្នាំ Ic3_fr0Gz មានអ្នកតាមដានលើហ្វេសបុកលើស ១លាននាក់

2021-12-10 05:12:35
ចំនួនមតិ 0 | ចំនួនចែករំលែក 0

ចន្លោះមិនឃើញ

Ic3_fr0Gz ដែលគ្រប់គ្នាស្គាល់តែនៅលើផេកហ្វេសបុក តាមពិតលោកមានឈ្មោះពិតថា អ៊ូរ សុខវឌ្ឍនៈវិជ្ជា មានអាយុ ២៦ ឆ្នាំ ជាកូនអ្នកនៅភ្នំពេញ បច្ចុប្បន្ន សុខវឌ្ឍនៈវិជ្ជា បានបញ្ចប់ការសិក្សារហើយ។ មុនមានភាពល្បីល្បាញក្នុងអាជីពជា Streamer លោក សុខវឌ្ឍនៈវិជ្ជា ធ្លាប់ធ្វើការជា Game Distributor សម្រាប់ Game CamboMU រយៈពេលមួយឆ្នាំ និង ធ្វើជាជំនួយការមេធាវីអស់រយៈពេលជិត ៣ ឆ្នាំ។

អ្នកលេងបណ្ដាញសង្គមហ្វេសបុកជាច្រើនពិសេសអ្នកនិយមតាមដានពី Streamer នៅខ្មែរច្បាស់ណាស់ពិតជាបានស្គាល់ Ic3_fr0Gz ដែលជាអ្នកឡាយហ្គេមដ៏មានប្រជាប្រិយភាពនៅលើបណ្ដាញសង្គមហ្វេសបុកនាពេលបច្ចុប្បន្ន និងមានចំនួន Followers ជាង ១លាននាក់ហើយ។ មិនត្រឹមជាអ្នកឡាយហ្គេម Ic3_fr0Gz ក៏ជា Caster (អ្នកអធិប្បាយហ្គេម) ពូកែវោហារស័ព្ទមួយរូបដែលតែលេចមុនក្នុងកម្មវិធីប្រកួតហ្គេមធំៗជាច្រើននៅខ្មែរនាពេលកន្លងមក។

ជាអ្នកចូលចិត្តលេងហ្គេមតាំងពីរៀនថ្នាក់ទី ៧ កាលពីអាយុ ១៣ ឆ្នាំ បានធ្វើឲ្យលោកមានភាពបុិនប្រសព្វក្នុងការលេងហ្គេមពេលប្រកួតម្ដង ពិសេសពូកែនិយាយនៅពេលឡាយឆ្លើយតប Comment ជាមួយហ្វេន ដែលធ្វើឲ្យអ្នកមើលមិនចេះធុញរាល់ពេលលោកឡាយម្ដងៗ។ ដោយសារតែចិត្តស្រឡាញ់ តាំងពីតូចមក ហើយវាក៏ជាក្ដីស្រមៃក្នុងចិត្តផងបានជំរុញឲ្យលោកចាប់ផ្ដើមឡាយហ្គេមជារៀងរាល់ថ្ងៃ ចាប់តាំងពីឆ្នាំ២០១១ មករហូតបានធ្វើឲ្យលោកក្លាយជា Streamer នៅអំឡុងឆ្នាំ ២០១៨ នឹងមានអ្នកស្គាល់កាន់តែច្រើនឡើងៗ។

មុនពេលសាងកេរ្តិ៍ឈ្មោះល្បីល្បាញដូចសព្វថ្ងៃលោក សុខវឌ្ឍនៈវិជ្ជា ក៏ធ្លាក់បានជួបឧបសគ្គធំបំផុតនោះគឺពីឆ្នាំ ២០១៧ ដែលចិត្តចង់ធ្វើជា Streamer ហើយក៏បោះបង់ចោលការងារជា ជំនួយការមេធាវី ហើយមកចាប់ផ្ដើមឡាយហ្គេមដំបូងនៅឆ្នាំ២០១១ ដែលអត់សូវមានអ្នកមើល ហើយក៏រកចំនូលបានតិចមែនទែន ដែលមួយខែរកបានតែ ៨០ ទៅ ១៥០ដុល្លារប៉ុណ្ណោះ។

ចំពោះគម្រោងបន្តអជីពជា Streamer នេះទៀតឬយ៉ាងណាលោកថា បើសិនជាមានអ្នកគាំទ្រ លោកនឹងនៅតែបន្តធ្វើរហូតព្រោះវាជាការងារដែលលោកស្រឡាញ់។ បើនិយាយពីអាជីពជា Caster វិញ លោក សុខវឌ្ឍនៈវិជ្ជា ធ្វើតាំងពី ២០១១ ពោលគឺ ១០ ឆ្នាំមុនមកម្លេះ នឹងបន្តធ្វើរហូតព្រោះចិត្តស្រឡាញ់គ្មានថ្ងៃបញ្ចប់ទេ។ លោកថាបើសិនជាថ្ងៃក្រោយសន្សំលុយបានច្រើន លោកអាចបើកអាជីវកម្ម ឬ បើក Resort ហើយឲ្យបងប្អូនជាអ្នកកាន់ ព្រោះសព្វថ្ងៃនេះរវល់រកពេលទំនេរមិនបានទេ។

កន្លងមកលោក សុខវឌ្ឍនៈវិជ្ជា ក៏ធ្លាប់ចូលរួមប្រកួតវិញ្ញាសារ E-Sport ម្ដងដែរគឺកាលពីឆ្នាំ ២០១១ ក្នុងវិញ្ញាសារ DOTA 1: GEST CAMBODI។ សម្រាប់លោកផ្ទាល់ ពិតជាសប្បាយចិត្តដែលបានធ្វើ និង ឃើញ ក៏ដូចជាបានដើរមកដល់ថ្ងៃនៃក្ដីស្រមៃរបស់ខ្លួនគឺ លេងហ្គេមហើយអាចរកចំណូលបាន ហើយលោករឺតតែសប្បាយចិត្តនៅពេលដែលបានបញ្ចេញនូវក្ដីស្រមៃដែលបានធ្វើ ១០ ឆ្នាំមកនេះ ឲ្យមនុស្សជុំវិញខ្លួនបានដឹង៕

អត្ថបទ៖ ម៉េងងី