នាឡិកាវៃឆ្លាត Watch D របស់ Huawei ញាត់មុខងារពេទ្យ ត្រៀមក្រឡុកទីផ្សារ

2021-12-14 08:27:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Huawei ត្រូវបានរំពឹងថា នឹងបញ្ចេញនាឡិកាវៃឆ្លាត Watch D ក្នុងរយៈពេលប៉ុន្មានថ្ងៃខាងមុខទៀត។

តាមរយៈរូបភាពដែលបានលេចធ្លាយនៅលើបណ្តាញអនឡាញ បង្ហាញថា នាឡិការវៃឆ្លាតនេះ ដំណើរការដោយប្រព័ន្ធប្រតិបត្តិការ HarmonyOS 2។ វាមានរាងចតុកោណ ហើយក្នុងអេក្រង់កញ្ចក់ គឺឃើញមុខងារវេជ្ជសាស្រ្ត ដែល Huawei បានញាត់ចូល ត្រៀមប្រជែងគូប្រកួតក្នុងទីផ្សារ។

Huawei Watch D គឺមានប៊ូតុងសម្រាប់ចុចបញ្ជាបើកកម្មវិធី app សុខភាពតែម្តង ពោលគឺផ្តោតខ្លាំងលើមុខងារវាស់សម្ពាធឈាម និងចង្វាក់បេះដូង ដែលក្រុមហ៊ុនអះអាងថា នឹងមានភាពលេចធ្លោជាង smartwatch របស់ក្រុមហ៊ុនដទៃ ហើយវាក៏មានមុខងារ ECG ដែលនឹងបង្ហាញសញ្ញាព្រមានឱ្យដឹង ប្រសិនបើអ្នកប្រើប្រាស់ មានបញ្ហាចង្វាក់បេះដូងមិនប្រក្រតីកើតឡើង។

ក្រុមហ៊ុន Huawei ក៏បានឱ្យដឹងដែរថា ខ្លួនបានសហការជាមួយវិទ្យាស្ថានសុខាភិបាលចិនមួយចំនួន ដោយការប្រើប្រាស់កំណត់ត្រាទិន្នន័យសម្ពាធឈាមពីនាឡិកា Watch D សម្រាប់ការគ្រប់គ្រងជំងឺលើសសម្ពាធឈាម និងបង្ការទុកមុន៕

ប្រភព៖ GSMarena ប្រែសម្រួល៖ សំភី