មហាជនប្រតិកម្មយ៉ាងណាចំពោះព័ត៌មាន ប្រកាសមានកូនមុនការ របស់ Idol កំពូលទាំង ៣ប្រចាំ K-Pop?

2021-12-17 02:18:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំ ២០២១នេះចំនួននៃតារាប្រុសដែលទម្លាយព័ត៌មានថាខ្លួនមានកូនជាមួយនឹងគូស្នេហ៍មុនរៀបការ ពិតមានច្រើន។

ដំណឹងដែលចេញពីមាត់របស់ពួកគេពិតជា បង្កជាការភ្ញាក់ផ្អើលពន់ពេកសម្រាប់អ្នកគាំទ្រទាំងឡាយ។ ដូចថ្មីៗនេះ Chansung (2PM) ទើបបានប្រកាសតាមគណនី Instagram ថាគូដណ្ដឹងរបស់លោកកំពុងមានផ្ទៃពោះ ហើយលោកក៏នឹងត្រៀមខ្លួនដឹកដៃមនុស្សជាទីស្រឡាញ់ចូលរោងការដែរ។ បន្ថែមពីលើនេះសមាជិកពៅរបស់ 2PM ក៏នៅបន្តទៀតដែរថា លោកនឹងមិនបន្តកុងត្រាជាមួយនឹងផលិតកម្ម JYP កន្លែងដែលលោកបានចំណាយពេលជាមួយជាង ១៥ឆ្នាំនេះទៀតទេ។

Chansung (2PM)

ជាមួយគ្នានេះផងដែរ Chansung មិនមែនជា តារាចម្រៀង K-Pop តែម្នាក់ទេដែលប្រកាសពីដំណឹងមានកូនជាមួយនឹងគូដណ្ដឹង មុនរៀបការ ព្រោះកាលពីឆ្នាំមុន Chen (EXO) ក៏បានឲ្យដឹងដែរថា គូដណ្ដឹងរបស់លោកមានទម្ងន់ ហើយពួកគេនឹងរៀបការ។ ចំណែក Bobby (iKON) វិញ ក៏ជាតារាប្រុសដែលក្លាហានហ៊ានទម្លាយរឿងនេះដែរ នៅឆ្នាំនេះ។

Bobby (iKON)

មហាជនកាន់តែបន្ថែមការចាប់អារម្មណ៍កាន់តែខ្លាំងចំពោះព័ត៌មាននេះ ហើយអ្នកដែលធ្វើឲ្យគ្រប់គ្នាភ្ញាក់ផ្អើលមុនគេ នោះគឺ Chen ដោយសារលោកគឺជា Idol ដំបូងដែលហ៊ានបំបែករឿងទាំងនេះ។

Chen (EXO)

ពិតណាស់ទាក់ទងនឹងបញ្ហានេះ អ្នកគាំទ្រមួយចំនួនពិតជាសម្ដែងការអន់ចិត្ត ហើយ Chen ក៏រងការរិះគន់យ៉ាងចាស់ដៃដែរ។ ប៉ុន្តែចំនួនអ្នកស្រឡាញ់ ច្បាស់ជាមានច្រើនជាងអ្នកស្អប់ ព្រោះពួកគេយល់ច្បាស់ពីទំហំក្ដីស្នេហ៍ ព្រមទាំងគោរពនូវជីវិតឯកជនរបស់តារា។

ទើបតែថ្មីៗនេះ ការខឹង ការអន់ចិត្តរបស់អ្នកគាំទ្រកាន់តែសាបរលាប និងមានចំនួនតិចទៅ ដោយសារពួកគេកាន់តែយល់ច្បាស់ពីរឿងនេះ។ ក្នុងនោះភាគច្រើនបានលើកឡើងថា ៖

-«ខ្ញុំគិតថា វាជារឿងល្អទៅវិញទេ ហើយតារាប្រុសទាំងនេះពិតជាបុរសដែលមានទំនួលខុសត្រូវខ្ពស់ ស្របពេលខ្លួនកំពុងពេញស្រឡាញ់ដោយ Fan ហើយពួកគេបែរជាហ៊ានទម្លាយរឿងនេះ ព្រមទាំងអះអាងថាគូស្នេហ៍មានទម្ងន់ទៀត»

-«ពួកគេបានចំណាយពេលបម្រើអារម្មណ៍ Fan និងក្រាញននៀលប្រឹងប្រែងលើសិល្បៈយូរឆ្នាំហើយ ហើយខ្ញុំគិតថាក៏គួរដល់ពេលដែលពួកគេគិតគូររឿងជីវិតគូដែរ»។

-«ខ្ញុំមិនគិតថាពួកគេធ្វើរឿងខុសទេ ព្រោះដល់ពេលត្រូវជួបគូ ត្រូវមានកូន ត្រូវរៀបការគឺជារឿងធម្មតា»។

ស្របពេលអ្នកខ្លះទៀតលើកឡើងថា៖

-«ហ្នឹងហើយ ខ្ញុំសង្ឃឹមថាពួកគេបញ្ចប់អាជីពជាតារាពីពេលនេះ ហើយចាប់អាជីពថ្មីទៅ»

-«ខ្ញុំមិនគិតថា នាមជាឪពុកគួរតែធ្វើជាតារាទេ ហាហា»

-«ខ្ញុំមិនចង់បានន័យថា មានកូន ហើយរៀបការក្រោយ វាមិនល្អទេ ប៉ុន្តែខ្ញុំគ្រាន់តែគិតថា ពួកគេមិនគួរធ្វើជា Idol ទេ ជាពិសេសដូចជាធ្វើមិនសមដាក់ Fan សោះ»៕

ប្រភព៖ Allkpop ប្រែសម្រួល៖ យី សុធារី