[Podcast] លោក ឡាម៉ូ ចាប់កាន់កាមេរ៉ាថតរូបជាង១០ឆ្នាំមិនរំពឹងរកចំណូលទេ ព្រោះវាជាអាជីពដែលស្រលាញ់ចេញពីបេះដូង

2021-12-29 02:59:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងអាជីពជាអ្នកថតរូបទេសចរណ៍ដ៏ល្បីរបស់លោក ឡាម៉ូកន្លងមក លោកធ្លាប់បានបញ្ចប់យ៉ាងជោគជ័យគម្រោង «៤៤ថ្ងៃជុំវិញប្រទេសកម្ពុជា» កាលពីដើមឆ្នាំ ២០២១ ដើម្បីលើកស្ទួយវិស័យថតរូបនៅកម្ពុជា ជំរុញវិស័យទេសចរណ៍ក្នុងស្រុក ផ្សព្វផ្សាយវប្បធម៌ ប្រពៃណី សាសនា ជួយជីវភាពសហគមន៍តាមតំបន់នីមួយៗ និងបំណងធំចង់រៀបចងក្រង សៀវភៅរូបភាព «Unseen Cambodia» សម្រាប់ផ្សព្វផ្សាយវិស័យទេសចរណ៍កម្ពុជា។

លោក ឡាម៉ូ ធ្លាប់មានស្នាដៃរូបថតឈ្នះពានរង្វាន់ជយលាភីលេខ១ ពីរឆ្នាំជាប់គ្នា ២០១៧ និង ២០១៨ ក្នុងកម្មវិធី Sony World Photography Awards ប្រចាំកម្ពុជា, ឈ្នះជយលាភីលេខ២ ក្នុងកម្មវិធី លំដាប់អាស៊ី Canon Asia Championship ២០១៨ និងតាំងបង្ហាញជាសាធារណៈក្នុង កម្មវិធីពិព័រណ៌រូបថតដ៏ធំប្រចាំកម្ពុជានៅ Photo Phnom Penh Festival ២០១៨ និងសព្វថ្ងៃជាទូតសុឆន្ទះក្រុមហ៊ុនកាំមេរ៉ា FujiFilm និង Zeiss Lens ។ លោក ឡាម៉ូ នឹងមកបង្ហាញពីបទពិសោធន៍នៃការថតរូប រួមទាំងដំណើរថតរូបផ្ដិតយកទិដ្ឋភាពនៅប្រទេសកម្ពុជាជាច្រើនទៅដល់ប្រិយមិត្ត។

ចង់ដឹងកាន់តែច្បាស់សូមស្ដាប់ Podcast ខាងក្រោម៖

Listen to "លោក ឡា ម៉ូ ចែករំលែកបទពិសោធន៍ថតរូបដើម្បីទេសចរណ៍រហូតឈ្នះពានរង្វាន់ជាច្រើន l Starting Up Ep23" on Spreaker.

អត្ថបទ៖ ម៉េងងី