អ្នកចូលរួមម៉ារ៉ាតុងអង្គរ បង្ហាញភាពសប្បាយរីករាយ និងរំភើបពេលឃើញមុខមាត់ថ្មីសៀមរាប

2022-01-03 02:52:50
ចំនួនមតិ 0 | ចំនួនចែករំលែក 0

ចន្លោះមិនឃើញ

តំណាង NOCC ថាអ្នកចូលរួមក្នុងព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងអង្គរ លើកទី២៦ ឆ្នាំនេះបង្ហាញភាពសប្បាយរីករាយជាខ្លាំង និងការប្លែកភ្នែកនូវសមិទ្ធផលហេដ្ឋារចនាសម្ព័ន្ធក្នុងខេត្តសៀមរាប។

ឯកឧត្ដម វ៉ាត់ ចំរើន

ឯកឧត្ដម វ៉ាត់ ចំរើន បានឲ្យដឹងថា អ្នកដែលមករត់ម៉ារ៉ាតុងទាំងអស់សម្ដែងនូវទឹកមុខញញឹមញញែម សប្បាយរីករាយជាខ្លាំងដែលបានចូលរួមក្នុងព្រឹត្តិការណ៍នេះ ព្រោះអាក់ខានយូរដែរហើយអំឡុងកូវីដ ប៉ុន្មានឆ្នាំនេះ។ មួយវិញទៀតអ្នកចូលរួមបង្ហាញមនោសញ្ចេតនាដោយសារឃើញមុខមាត់ថ្មីនៅសៀមរាប ទេសភាពស្រស់ត្រកាលអមដោយហេដ្ឋារចនាសម្ព័ន្ធផ្លូវស្អាតល្អបែបនេះ។

ទិដ្ឋភាពម្សិលមិញ

អ្នកជំនាញកីឡារូបនេះបន្ថែមទៀតថា ព្រឹត្តិការណ៍ការដែលរៀបចំក្នុងបរិបទកូវីដមួយនេះគឺបានបញ្ចប់ទៅដោយរលូន និងជោគជ័យល្អ មិនមាននរណាមានបញ្ហាអ្វី ឬវិជ្ជមាននោះទេ។ ទាំងនេះគឺបានការសហការពីមន្ទីរសុខាភិបាល គណៈអភិបាលខេត្ត និងគ្រប់ភាគីមួយចំនួនទៀតទើបនាំឲ្យពិធីទទួលបានជោគជ័យរលូនបែបនេះ។

ទិដ្ឋភាពម្សិលមិញ

រំលឹកដែរថា ព្រឹត្តិការណ៍ពាក់កណ្ដាលម៉ារ៉ាតុងអង្គរ លើកទី២៦ នេះធ្វើឡើងកាលពីម្សិលមិញនៅតំបន់អង្គរ ខេត្តសៀមរាប។ កម្មវិធីនេះត្រូវផ្អាករយៈពេលប្រហែល២ឆ្នាំដោយសារតែការផ្ទុះឡើងនៅជំងឺកូវីដ ១៩។ អ្នកចូលរួមរត់ថ្ងៃអាទិត្យ ទី២ ខែមករា ឆ្នាំ២០២២ នេះមានចំនួនខ្ទង់ ២២០០នាក់៕