មិនគួររំលង់! ជួបលោក ទី រ៉ាឌី បង្ហាញគន្លឹះជោគជ័យបង្កើត Khmer 24 ផ្ដើមចេញពីចិត្តស្រលាញ់ និងត្រូវចំណាយលុយផ្ទាល់ខ្លួនទាំងស្រុង

2022-01-14 03:50:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ភ្ញៀវពិសេសនៅក្នុងកម្មវិធី Starting Up សប្ដាហ៍ថ្មីនេះ ប្រិយមិត្តនឹងបានជួបជាមួយវាគ្មិនមួយរូបដែលមានបទពិសោធន៍ក្នុងវិស័យបច្ចេកវិទ្យាជាច្រើនឆ្នាំមកហើយ និងឈរជើងទទួលបានការគាំទ្រពីការផ្ដល់សេវាកម្មដល់អ្នកប្រើប្រាស់ជាច្រើនលាននៅកម្ពុជានាពេលបច្ចុប្បន្ន។ វាគ្មិនពិសេសនោះគឺ លោក ទី រ៉ាឌី ស្ថាបនិក Khmer 24 ដែលនិងចូលខ្លួនមកបង្ហាញពីបទពិសោធន៍ការងារ និងការចាប់ផ្ដើមបង្កើតគេហទំព័រ Khmer 24 ពីចិត្តស្រលាញ់ដែលត្រូវចំណាយលុយផ្ទាល់ខ្លួនទាំងស្រុង។

មុនពេលចាប់ផ្ដើមមានគំនិតបង្កើតគេហទំព័រ Khmer24 ដំបូងលោក ទី រ៉ាឌី បានបង្កើតគេហទំព័រណាត់ជួប ដែលជាស្នាដៃលើកទី១ និងលើកទី២គឺ គេហទំព័រការងារ (សាកល្បងចំនួន ៣ដងនៅតែបរាជ័យ)។ បន្ទាប់ពីមិនទទួលបានលទ្ធផលល្អជាច្រើនលើកលោក ទី រ៉ាឌី ចាប់ផ្ដើមជោគជ័យលើការការបង្កើតគេហទំព័រ Khmer24 ក្នុងមួយខែមានអ្នកទិញនិងលក់ទំនិញជិត ១លាននាក់។

ដូចនេះចង់ដឹងថារឿងរ៉ាវពីការបង្កើតគេហទំព័រ Khmer24 របស់លោកជួបការលំបាកអ្វីខ្លះ? ប្រើរយ:ពេលប៉ុន្មាឆ្នាំទើបទទួលបានជោគជ័យ លោក ទី រ៉ាឌី នឹងបង្ហាញប្រាប់នៅកម្មវិធី Starting Up សប្ដាហ៍ទី២៦ នេះនៅថ្ងៃទី ១៥ ខែមករា ឆ្នាំ ២០២២ នេះ វេលាម៉ោង ១០ព្រឹក នៅលើទំព័រហ្វេសប៊ុកផេកផ្លូវការរបស់កម្មវិធី Starting Upក៏ដូចជា channel YouTube "Sabay TV"និងស្ដាប់ជាសំឡេង Podcast "Starting Up"៕

អត្ថបទ៖ ម៉េងងី