Dani Alves ចង់ឲ្យ Messi បញ្ចប់អាជីពបាល់ទាត់នៅ Barca

2022-01-19 11:41:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Dani Alves បាននិយាយទៅកាន់សារព័ត៌មាន Catalunya Radio នៅក្នុងថ្ងៃនេះថា គេចង់ឲ្យ ខ្សែប្រយុទ្ធ Lionel Messi បញ្ចប់អាជីពបាល់ទាត់នៅក្លឹប Barcelona នេះ។

Alves បាននិយាយថា៖" Messi ជាកំពូលកីឡាករប្រចាំប្រវត្តិសាស្ត្របាល់ទាត់។ វាពិតជាចម្លែកណាស់ ដែលបានមកដល់ Barca ហើយអត់ឃើញគេ និងអត់មានគេនៅក្រុមរបស់យើង។ អញ្ចឹងបានថាពេលខ្លះរឿងវាមិនមែនចេះតែកើតឡើង ដូចយើងសុបិនចង់បាននោះទេ។ ខ្ញុំធ្លាប់ប្រាប់គេហើយៗ ថាគេគ្មានកន្លែងណាទៅ ល្អជាងកន្លែងនេះនោះទេ "។

កីឡាករនេះបន្តថា៖" គេក៏ធ្លាប់និយាយបែបហ្នឹងផងដែរ ពេលខ្ញុំចាកចេញពីក្លឹបនេះលើកមុន។ វាពិតជាអស្ចារ្យមែនទែនបើបានគេបញ្ចប់អាជីពបាល់ទាត់នៅទីនេះ។ បញ្ចប់នៅទីនេះ ជាការល្អបំផុតសម្រាប់ខ្លួនគេផ្ទាល់ អញ្ចឹងក្លឹប Barca ហ្នឹងគួរតែចាត់ចែងរឿងហ្នឹងឲ្យបាន "។

Dani Alves ទើបតែត្រលប់មក Barca វិញនៅខែមករានេះ ដោយគេធ្លាប់មកលេងឲ្យម្ដង និងធ្លាប់រួមអាជីពជាមួយ Messi កាលពីឆ្នាំ២០០៨-២០១៦៕

ប្រភព៖ Goal ប្រែសម្រួល៖ ហ៊ីម រស្មី