ខេមរៈ ស្រីពៅ លាគ្រប់គ្នាទៅបានសុខហើយតែក្ដីអាល័យនៅតែមាន ហើយថ្ងៃនេះជាខួបមរណៈ ៣ឆ្នាំគត់

2022-01-24 07:43:25
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹម ថ្ងៃនេះគឺ ជាថ្ងៃខួបគម្រប់ ៣ឆ្នាំហើយ ដែល ខេមរៈ ស្រីពៅ ប្អូនស្រីបណ្ដូលចិត្តរបស់កំពូលតារាចម្រៀង ខេមរៈ សិរីមន្តបានលាឆ្ងាយពីលោកនេះទៅ។

ខេមរៈ ស្រីពៅ

លោក ខេមរៈ សិរីមន្ត និងគ្រួសារ

នៅរសៀលថ្ងៃទី ២៤ ខែមករា ឆ្នាំ ២០២២នេះ ទំព័រហ្វេសប៊ុករបស់លោក ខេមរៈ សិរីមន្ត បានបង្ហោះវីដេអូផ្សាយផ្ទាល់ (LIVE) លើ Facebook ដោយបង្ហាញពីទិដ្ឋភាពក្នុងពិធីបុណ្យខួបគម្រប់ ៣ឆ្នាំនៃមរណភាពរបស់ប្អូនស្រី ខេមរៈ ស្រីពៅ របស់ខ្លួន។

តាមវីដេអូដែលបានបង្ហាញ ឃើញថា ពិធីបុណ្យនេះធ្វើឡើងក្នុងវត្ត ដោយមានការចូលរួមពីលោក ខេមរៈ សិរីមន្ត ភរិយា ក៏ដូចជាឪពុកម្ដាយ និងសាច់ញាតិក្រុមគ្រួសារជាច្រើនរូបទៀត។

នៅចាំបានថា អតីតតារាចម្រៀង ខេមរៈ ស្រីពៅ បានទទួលមរណភាពទាំងវ័យក្មេង ដោយសារតែជំងឺសួត និងក្រលៀន មានសភាពធ្ងន់ធ្ងរពេក ហើយនាងបានផុតដង្ហើមនៅប្រទេសឥណ្ឌា កាលពីថ្ងៃសុក្រ ទី២៥ ខែមករា ឆ្នាំ២០១៩។ ពេលដំណឹងក្រៀមក្រំនេះផ្ទុះឡើងភ្លាម អ្នកសិល្បៈ និងអ្នកគាំទ្រទាំងអស់របស់តារាស្រីមានឈ្មោះពិត ខែម ស្រីពៅ នេះមានការសោកសៅយ៉ាងខ្លាំង៕