Starting Up សប្ដាហ៍ថ្មី! ជួបអ្នកស្រី កែវ មុំ បង្ហាញគំនិតចេញរកសុី ១៩ឆ្នាំទទួលបានជោគជ័យរហូតមានអ្នកស្គាល់ពេញស្រុកខ្មែរ

2022-01-28 03:00:02
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធី Starting Up សម្រាប់សប្ដាហ៍ទី២៨ ប្រិយមិត្តនឹងទួលបានគន្លឹះថ្មីពីភ្ញៀវកិត្តិយសដែលមានភាពជោគជ័យ និងគ្រប់គ្នាក៏ធ្លាប់បានស្គាល់ជាយូរមកហើយ។ ម្ចាស់អាជីវកម្មរកស៊ីដ៏ល្បីល្បាញរូបនេះ នឹងចូលខ្លួនមកបើកកកាយជីវប្រវត្តិរកសុី បទពិសោធន៍ការងារ ដំណើរជីវិត មុនឈានជើមកដល់ភាពជោគជ័យដល់ពេលបច្ចុប្បន្ន។ ដូចនេះកុំភ្លេចរង់ចាំជួបជាមួយវាគ្មិនគឺអ្នកស្រី កែវ មុំ នាយិកា ក្រុមហ៊ុនផលិតនំស្រួយ លី លី កំពុងល្បីពេញស្រុកខ្មែរនឹងមកបើកកកាយពីបទពិសោធន៍នៅក្នុងសប្ដាហ៍ថ្មីនេះក្នុងកម្មវិធី Starting Up។

ចាប់ផ្ដើមដំបូងបើនិយាយពីប្រវត្តិការសិក្សា អ្នកស្រី កែវ មុំ មិនបានបញ្ចប់ថ្នាក់បរិញ្ញាប័ត្រណាមួយឡើយ គ្រាន់តែជួយម្ដាយលក់ដូរ (ចាប់ហួយ) ក្នុងផ្ទះបន្តិចបន្តួច។ មុនពេលសាងកេរ្តិ៍ឈ្មោះល្បីក្នុងអាជីវកម្មរកសុីដល់បច្ចុប្បន្ននេះ អ្នកស្រីមានបទពិសោធន៍ធ្លាប់ធ្វើជា បុគ្គលិកផ្នែកលក់នៅក្រុមហ៊ុនមួយនៅភ្នំពេញ បន្ទាប់មកក៏ណែនាំឲ្យរកស៊ីដោយអ្នកស្គាល់គ្នាម្នាក់មកពីសឹង្ហបុរី គឺជាអ្នកនាំចូលឥវ៉ាន់ផ្ដាច់មុខ។

ចាប់ផ្តើមរកស៊ីដំបូងនៅឆ្នាំ២០០២ អ្នកស្រី កែវ មុំ ធ្លាប់លក់ផ្ទះធ្វើដើមទុន ១០ មុឺនដុល្លារ ឈរលើគោលការណ៍គុណភាពចម្បង ហា៊នផ្សព្វផ្សាយមិនថាវិទ្យ,ទូរទស្សន៍និងព្រមទាំងបើកឲ្យចុះមកទស្សនកិច្ចផ្ទាល់ដល់រោងចក្រ។ នំស្រួយ លីលី ឈ្នះពានក្នុងស្រុកជាច្រើនដល់សព្វថ្ងៃ។ រហូតមកដល់ឆ្នាំ២០២១ នេះអ្នកស្រីឈរជើងលើការរកសុីបាន ១៩ឆ្នាំហើយ។ អាជីវកម្មផលិត នំលីលី របស់អ្នកស្រី យកអង្ករផ្ការំដួលរបស់ខ្មែរជាប់លេខ១ ពិភពលោក ធ្វើជា វត្ថុធាតុដើម និងធ្លាប់ឈ្នះពានរង្វាន់លេខ ១ផ្នែកគុណភាពពី បែលហ្សិក (សហគមអឺរ៉ុប)។

ដូចនេះបើប្រិយមិត្តិចង់ទទួលបានគន្លឹះល្អៗពីអ្នកស្រី កែវ មុំ កុំភ្លេចរង់ចាំទស្សនានៅកម្មវិធី Starting Up សប្ដាហ៍ទី២៨ នេះនៅថ្ងៃទី ២៩ ខែមករា ឆ្នាំ ២០២២ នេះ វេលាម៉ោង ១០ព្រឹក នៅលើទំព័រហ្វេសប៊ុកផេកផ្លូវការរបស់កម្មវិធី Starting Upក៏ដូចជា channel YouTube "Sabay TV"និងស្ដាប់ជាសំឡេង Podcast "Starting Up"៕

អត្ថបទ៖ ម៉េងងី