លោកមេទ័ពធំ សូត្រ ប៊ុនធី ក្រសោបលុយលានទៀតហើយផ្ដួលដៃគូផុយៗម្សិលមិញ

2022-01-31 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់រហស្សនាម លោកមេទ័ព សូត្រ ប៊ុនធី ម្សិលមិញនេះក្រសោបលុយ ៣ ៤០០ ០០០ លានរៀលទៀតហើយក្រោយផ្ដួលដៃគូពីររូបសន្លប់ផុយៗនៅសង្វៀន TOWN។

សូត្រ ប៊ុនធី ផ្ដួល ឡុង សំណាង

ការប្រកួតនៅជុំទី១ សូត្រ ប៊ុនធី ប្រើពេលត្រឹម២ទឹកប៉ុណ្ណោះ ដោយទាត់ឲ្យ រិទ្ធ ប៊ុនម៉ៅ បោះបង់ការប្រកួតរួចបានឡើងទៅវគ្គផ្ដាច់ព្រ័ត្រតែម្ដង។ ពោលអ្នកប្រដាល់ត្រកូល សូត្រ រូបនេះបានចំណេញកម្លាំងដោយផ្ដួលដៃគូមុន៣ទឹកជាហេតុមានឱកាសច្រើននៅជុំទី២។

នៅជុំទី២ កីឡាករល្អកម្ពស់ខាងលើបានប្រើពេលកាន់តែខ្លីទៅទៀតត្រឹម១ទឹកប៉ុណ្ណោះ ដោយទាត់អ្នកលេងគុនខ្មែរ ឡុង សំណាង ឲ្យខូចជើង។ ឡុង សំណាង ហាក់ឈឺជើងបន្តិចទៅនៅវគ្គជម្រុះជុំទី១ ជាមួយ មឿន សុខហ៊ុច ព្រោះទាត់គ្នាខ្លាំង និងប្រើកម្លាំងអស់ៗរហូតបញ្ចប់៣ទឹកទើបរកឃើញអ្នកឈ្នះ។ ដូច្នេះហើយទើបធ្វើឲ្យរូបគេពិបាកទប់ទល់ជាមួយ សូត្រ ប៊ុនធី។

សូត្រ ប៊ុនធី ផ្ដួល ឡុង សំណាង

មួយរយៈពេលនេះគេសង្កេតឃើញថាលោកមេទ័ពធំ ឬបងធំរបស់ត្រកូល «សូត្រ» មានសមត្ថភាពរីកចម្រើន និងប្រកួតឡើងមែនទែន ពោលយកឈ្នះដៃគូ និងទទួលបានប្រាក់លានជាបន្តបន្ទាប់។ បញ្ជាក់ដែរថា ម្សិលមិញនេះកីឡាករ សូត្រ ប៊ុនធី ឬលោកមេទ័ពធំ បានឈ្នះជើងឯកម៉ារ៉ាតុនទទួលបានប្រាក់រង្វាន់ ៣ ៤០០ ០០០ លានរៀលនៅសង្វៀន TOWN៕