លើកនេះ សុស៊ីដាន មិនហ៊ានរំពឹងខ្លាំងបានជាប់ U23 ដល់ដំណាក់កាលចុងក្រោយទេ

2022-02-04 03:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗសហព័ន្ធកីឡាបាល់ទាត់កម្ពុជា បានចេញបញ្ជីឈ្មោះកីឡាករជម្រើសជាតិក្រោមអាយុ២៣ឆ្នាំចំនួន ៧៤ នាក់ហើយសហព័ន្ធនឹងធ្វើការជម្រុះជាបន្ទាប់ៗ ដើម្បីជ្រើសយកកីឡាករចំនួន២៨ នាក់ចុងក្រោយ។

រូបថតផ្ដល់ឲ្យ

ការចេញបញ្ជីឈ្មោះច្រើនបែបនេះគឺដើម្បីអាចមានជម្រើសច្រើនក្នុងការជ្រើសរើសកីឡាករ ដើម្បីអាចប្រកួតប្រជែងពានរង្វាន់ AFF U23 Championship 2022 ចន្លោះពីថ្ងៃទី១៤ ដល់ថ្ងៃទី២៦ ខែកុម្ភៈ ឆ្នាំ២០២២។ ទាក់ទងការជម្រុះនេះ ញាណ សុស៊ីដាន បាននិយាយថា «បាទបង! ខ្ញុំមិនហ៊ានរំពឹងខ្លាំងទេ ថា បានជាប់ U23 ដល់ដំណាក់កាលចុងក្រោយ ព្រោះអីកីឡាករយើងពេលនេះល្អៗច្រើន។ ខ្ញុំគ្រាន់តែគិតថា អាចជាប់ដែរតែក៏គិតថា លំបាកខ្លះៗដែរ»។

កីឡាកររបស់ទ័ពដដែលបន្ថែមថា ខ្លួនបច្ចុប្បន្ននៅស្ទើរកម្លាំងកាយបន្តិចបន្តួច ប៉ុន្តែក៏រំពឹងថា នឹងអាចហ្វឹកហាត់យកកម្លាំងបានពេញលេញល្អនៅពេលឆាប់ៗ។ រំលឹកថា ញាណ សុស៊ីដាន ទើបតែបានជាប់ជម្រើសជាតិ U23 កាលពីពេលកន្លងទៅថ្មីទៅលេង AFC U23 Asian Cup និង ឈុតធំទៅលេង Suzuki Cup ផងដែរ៕