នៅរសៀលថ្ងៃទី២៨ ខែ កុម្ភៈ ឆ្នាំ២០២២នេះ អតីតតារាសម្ដែងប្រុស ស៊ុក សុភា បានបង្ហាញរូបថតកំពុងសាងសង់ផ្ទះជាច្រើនសន្លឹកនៅលើទឹកដីអូស្រ្តាលី រហូតមានការអបអរសាទរយ៉ាងច្រើន។

នៅប៉ុន្មានម៉ោងមុននេះ តារាសម្តែងប្រុសលោក ស៊ុក សុភា បានបង្ហាញរូបថតជាច្រើនសន្លឹកដែលកំពុងសាងសង់ផ្ទះដែលលោកបានហៅថា សេតវិមាន ដែលកំពុងសាងសង់នៅលើទឹកដីអូស្ត្រាលី រដ្ឋវិចតូរីយ៉ា ទីក្រុងម៉ែលម៊ន ដោយក្នុងនោះតារាប្រុសរូបនេះសាងសង់យ៉ាងធំដោយមានបន្ទប់គេងរហូតដល់ទៅ៧បន្ទប់ឯណោះ និង៥បន្ទប់ទឹក មិនត្រឹមតែប៉ុណ្ណោះកន្លែងចំណតឡានក៏អាចដាក់រថយន្តបានរហូតដល់ទៅ១០ឯណោះ។ ទាំងនេះមិនមែនជាផ្ទះតូចនោះឡើយទើបលោកហៅថា សេតវិមាន ។ជុំវិញរឿងនេះ Sabay មិនអាចទាក់ទងទៅលោកបានទេ ខណៈចង់ដឹងថាលោកសាងសង់ជាផ្ទះរឺជាសេតវិមានពិតមែន តើផ្ទះនេះចំណាយអស់ប្រហែលប៉ុន្មាន ហើយប្រើពេលអស់ប៉ុន្មាន បើធំយ៉ាងនេះនោះ។

បញ្ជាក់ផងដែរថា ថ្មីៗនេះតារាប្រុសល្បីលោក ស៊ុក សោភា ប្រើសំភារៈថ្លៃៗខ្លាំងក្រោយលោកតែងតែបង្ហាញរបស់ទាំងនោះដោយមិនប្រាប់តម្លៃ តែត្រូវបានគេដឹងថា របស់ទាំងនោះសុទ្ធតែថ្លៃៗដូចជាកង់១តម្លៃ ៤១៥០ដុល្លារ និងកង់ខ្លះទៀតមានតម្លៃខ្ទង់ម៉ឺនដុល្លាឯណោះ ចំណែកស្បែកជើងរបស់លោកវិញ ប្រើ១គូរចូលសុទ្ទតែពាន់ដុល្លា៕

អត្ថបទ៖ Tep Sovannmoly