អស់ជិត៣ម៉ឺនដុល្លាទៅហើយ! ស្រីអូនសម្រស់ធម្មជាតិ អរគុណដល់គេទៀត

2022-03-01 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកស្រី នួន ស៊ុន្ទរី ឬហៅថា ស្រីអូនសម្រស់ធម្មជាតិ បើទោះជាចំណាយថវិកាអស់ជិត ៣ម៉ឺនដុល្លារឧបត្ថម្ភដល់សហព័ន្ធល្បុក្កតោយ៉ាងណាក្ដី ប៉ុន្តែបានអរគុណថ្នាក់ដឹកនាំសហព័ន្ធដែលអនុញ្ញាតឲ្យខ្លួនមានឱកាសជួយបែបនេះ។

លោកស្រី នួន ស៊ុន្ទរី

នាយិកាក្រុមហ៊ុនសម្រស់ធម្មជាតិខាងលើនេះបានលើកឡើងថា ថវិកាដែលបានជួយឧបត្ថម្ភក្នុងកម្មវិធីជើងឯកថ្នាក់ជាតិ ២០២១ ដល់សហព័ន្ធល្បុក្កតោនេះខ្ទង់ជិត ៣ម៉ឺនដុល្លាគឺ ១៥០០០ដុល្លារជូនដល់ការរៀបចំ ៦០០០ដុល្លារបានពីការគៀងគរតំណាងចែកចាយ និង ៦៨៥០ដុល្លារទៀតជួយលើកទឹកចិត្តបន្ថែមដល់កីឡាករ កីឡាការិនី ដែលចូលរួមប្រកួតលើវិញ្ញាសាប្រយុទ្ធ និងព្រឹទ្ធាចារ្យសរុប ១៣៧នាក់នេះ។

លោកស្រី នួន ស៊ុន្ទរី

យ៉ាងណាសប្បុរសជនល្បីឈ្មោះរូបនេះបានថ្លែងអំណរគុណដល់ថ្នាក់ដឹកនាំសហព័ន្ធដែលបានផ្ដល់ឱកាសដល់ខ្លួនក្នុងការជួយឧបត្ថម្ភដល់កម្មវិធីនានារបស់សហព័ន្ធ។ នេះជាការផ្ដល់ឱកាសមួយមួយសម្រាប់លោកស្រីក្នុងការចូលរួមជួយថែរក្សាការពារ លើកស្ទួយក្បាច់គុនបុរាណរបស់បុព្វបុរសខ្មែរឲ្យគង់វង្ស និងរីកចម្រើននៅពេលនេះ។ លោកស្រីបញ្ជាក់ច្បាស់ៗថា ពិតជាស្រឡាញ់គុនល្បុក្កតោខ្លាំងបំផុត។

លោកស្រី នួន ស៊ុន្ទរី (អាវស) និងថ្នាក់ដឹកនាំសហព័ន្ធ

រំលឹកដែរថា ថវិកាដែលខាង ស្រីអូនសម្រស់ធម្មជាតិ បានឧបត្ថម្ភនេះគឺក្នុងកម្មវិធីប្រកួតជើងឯកថ្នាក់ជាតិ ឆ្នាំ២០២១ ដែលបានធ្វើឡើងកាលពីថ្ងៃទី ២៥ ដល់ ២៧ ខែកុម្ភៈ នៅសកលវិទ្យាល័យភូមិន្ទភ្នំពេញ។ ការប្រកួតឆ្នាំមុនក៏លោកស្រីបានជួយឧបត្ថម្ភមិនតិចម៉ឺនដុល្លារផងដែរ៕

វីដេអូ៖

អត្ថបទ៖ នួន ស៊ីណា