ចាំងគីម បរិច្ចាគលុយផ្ទាល់រាប់ម៉ឺនដុល្លារ ជួយអ៊ុយក្រែនដែលកំពុងត្រូវរុស្ស៊ីញាំញីខ្លាំង

2022-03-01 07:24:04
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី០១ ខែមីនា ឆ្នាំ២០២២នេះ មានសេចក្ដីរាយការណ៍ថា តារាសម្ដែង Lee Young Ae (ចាំងគីម) បានបរិច្ចាគថវិកាចំនួន ១០០លានវ៉ុន (ខ្ទង់ ៨៣ ៣២៩ដុល្លារ) ជួយដល់អ៊ុយក្រែន ក្នុងពេលតស៊ូប្រឈមនឹងសង្គ្រាមដែលកំពុងកើតមាននៅពេលនេះ។ ភ្ជាប់ជាមួយនឹងមូលប្បទានប័ត្រ (សែក) មួយសន្លឹក Lee Young Ae ក៏បានបញ្ចូលនូវសំបុត្រមួយច្បាប់ដែរ ដែលបង្ហាញបំណង ចង់ឲ្យសង្គ្រាមបញ្ចប់។

ខាងក្រោមនេះជាលិខិតរបស់ Lee Young Ae៖

"ជូនចំពោះប្រជាពលរដ្ឋអ៊ុយក្រែនជាទីគោរព!

ខ្ញុំជាតារាសម្ដែងម្នាក់ឈ្មោះ Lee Young Ae ដែលរស់នៅក្នុងប្រទេសកូរ៉េខាងត្បូង។

ក្នុងនាមជាសមាជិកគ្រួសារអតីតយុទ្ធជន ខ្ញុំយល់ច្បាស់ពីអារម្មណ៍ នៃភាពសាហាវឃោរឃៅនៃសង្រ្គាម ជ្រៅជាងអ្នកដ៏ទៃ។

ខ្ញុំសង្ឃឹមថាសង្គ្រាមនៅអ៊ុយក្រែននឹងបញ្ចប់ និងដើម្បីសន្តិភាពត្រូវបានស្ដារឡើងវិញ។

ខ្ញុំសូមអធិស្ឋានសូមមានសុខសុវត្ថិភាព និងពលរដ្ឋអ៊ុយក្រែនទាំងអស់បានសុខសប្បាយ។

ជូនចំពោះពលរដ្ឋអ៊ុយក្រែន ដែលស្រឡាញ់សេរីភាព និងសន្តិភាព។ សូមអ្នកកុំអស់សង្ឃឹម និងបន្តភាពក្លាហាន!

ក្នុងនាមជាពលរដ្ឋម្នាក់ក្នុងចំណោមពលរដ្ឋជាច្រើនដែលស្រឡាញ់សន្តិភាពក្នុងប្រទេសកូរ៉េខាងត្បូងដែលមានសេរីភាព។ ខ្ញុំចង់ប្រគល់បេះដូងដ៏តូចតែមានតម្លៃរបស់ខ្ញុំដល់ពលរដ្ឋអ៊ុយក្រែនទាំងអស់។ សូមព្រះជាម្ចាស់ គង់នៅជាមួយអ្នកជានិច្ច»៕

ប្រភព៖ Allkpop ប្រែសម្រួល៖ យី សុធារី