អ្នកគាំទ្រគុនខ្មែរមួយរូប៖ វ៉ៃដូច វណ្ណថង និង វាសនា គឺឧបត្ថម្ភមិនស្ដាយនោះទេ...

2022-03-07 05:07:02
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ខេង សុងហួ ដែលជាអ្នកគាំទ្រប្រដាល់មួយរូបថា មិ្សលមិញការប្រកួតវគ្គផ្ដាច់ព្រ័ត្ររវាង ឈិត សេរីវណ្ណថង និង សូត្រ វាសនា ល្អមើលជក់ចិត្តតែម្ដង ដូច្នេះការឧបត្ថម្ភដល់អ្នកទាំងពីរគឺមិនស្ដាយរបស់នោះទេ។

លោក ខេង សុងហួ

អ្នកគាំទ្រគុនខ្មែរខាងលើនេះបានឲ្យដឹងថា ការប្រកួតម្សិលមិញវគ្គផ្ដាច់ពានរង្វាន់ ISI រវាង វណ្ណថង និង វាសនា គឺវ៉ៃអស់ៗ និងជក់ចិត្តក្នុងការទស្សនាតែម្ដង។ ពោលគឺកក្រើក និងពេញចិត្តអ្នកគាំទ្រគុនខ្មែរ។

ដើម្បីជាការលើកទឹកចិត្តសម្រាប់ការប្រកួតជក់ចិត្តនេះដែរលោក សុងហួ បានឧបត្ថម្ភអ្នកឈ្នះ ១០០ដុល្លារ អ្នកចាញ់ ៥០ដុល្លារ និងអាជ្ញាកណ្ដាល ម៉ាក់ សាមឿន ៥០ដុល្លារផងដែរក្នុងការទិញឥវ៉ាន់ផ្សេងៗក្នុងហាងគុនខ្មែរលក់ទូរស័ព្ទដៃទំនើប។ ដូច្នេះទាំងកីឡាករ និងលោកអាជ្ញាកណ្ដាលអាចទាក់ទងទៅម្ចាស់ហាងខាងលើនេះបាន។

វណ្ណថង និង វាសនា ម្សិលមិញ

រំលឹកដែរថា វគ្គផ្ដាច់ព្រ័ត្រដណ្ដើមពានមាស ISI នៅសង្វៀន TOWN ម្សិលមិញនេះគឺ ឈិត សេរីវណ្ណថង បានឈ្នះ សូត្រ វាសនា នៅទឹកទី៤ ទទួលបានជ័យជម្នះពានមាស អមដោយប្រាក់រង្វាន់ ១៦លានរៀល៕