រម្លឹកអនុស្សាវរីយ៍អស្ចារ្យពីកម្មវិធីប្រគល់ពានដ៏ធំ អាណាចក្រតារា កាលពី ៩ឆ្នាំមុន

2022-03-20 13:36:11
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេល ៩ ឆ្នាំកន្លងទៅលឿនបំផុត ហើយជាពេលដែលគ្រប់គ្នាចាំមិនភ្លេចឡើយនូវព្រឹត្តិការណ៍ប្រគល់ពានរង្វាន់ដ៏ធំប្រចាំប្រទេសកម្ពុជា ដែលរៀបចំឡើងមិនចាញ់ប៉ែកបរទេសឡើយ មានទាំងការបង្ហាញវត្តមានលើកម្រាលព្រំក្រហម ការសម្ដែងជាពិសេស និងពានរង្វាន់អស្ចារ្យជាច្រើន នោះគឺកម្មវិធី «អាណាចក្រតារា»។

អាណាចក្រតារា គឺជាកម្មវិធីប្រគល់ពានរង្វាន់សិល្បករលេចធ្លោប្រចាំឆ្នាំ ដែលមានដូចជា តារាសម្ដែង តារាចម្រៀង ពិធីករ ពិធីការិនី អ្នកនិពន្ធ និង អ្នកដឹកនាំសម្ដែងជាដើម ដែលបានធ្វើឡើងកាលពីឆ្នាំ ២០១៣។ នេះគឺជាព្រឹត្តិការណ៍ដ៏ធំដែលជាឱកាសក្នុងការតបស្នងនូវស្នាដៃអស្ចារ្យដែលសិល្បករ សិល្បការិនី ខិតខំបញ្ចេញអស់ពីសមត្ថភាពក្នុងការបម្រើអារម្មណ៍មហាជនទាំងអស់។

ទោះជាកន្លងផុតទៅ ៩ឆ្នាំហើយក្ដី ប៉ុន្តែកម្មវិធីដែលរៀបចំឡើងដោយ sabay នៅតែដក់ជាប់ក្នុងចិត្តរបស់ប្រជាជនកម្ពុជា ហើយក៏ត្រូវបានគេទទួលស្គាល់ថាជាកម្មវិធីប្រគល់ពានរង្វាន់គ្រប់ទម្រង់សម្រាប់តារាៗ។ ជាការរម្លឹកអនុស្សាវរីយ៍ល្អៗ សូមទស្សនារូបភាពសស្រង់ចេញពីកម្មវិធី «អាណាចក្រតារា» កាលពីឆ្នាំ ២០១៣ ដូចខាងក្រោម៖