គ្រូ Tiger ៖ យើងគឺជាក្រុមមួយដែលកំពុងរៀនសូត្រ និងកំពុងអភិវឌ្ឍន៍

2022-04-04 07:58:57
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Alistair Heath គ្រូបង្វឹករបស់ក្លឹបបាល់ទាត់ Angkor Tiger បានលើកឡើងថា « យើងគឺជាក្រុមមួយដែលកំពុងរៀនសូត្រ និងកំពុងអភិវឌ្ឍន៍ » ។

លោក Alistair Heath (រូបថត៖ Tiger )

ការលើកឡើងខាងលើក្រោយក្រុមរបស់លោកឈ្នះទៅលើ Tiffy Army ក្នុងការប្រកួត Cambodian Premier League 2022 ៥-៤ កាលពីចុងសប្ដាហ៍កន្លងទៅ។

"ជាថ្មីម្ដងទៀត អ្នកគាំទ្រគឺពិតជាអស្ចារ្យខ្លាំងណាស់ និងបានជំរុញក្រុមទៅដល់ទីបញ្ចប់។ ខ្ញុំបាននិយាយជាច្រើនលើក យើងគឺជាក្រុមមួយ ដែលកំពុងរៀនសូត្រ និងកំពុងអភិវឌ្ឍន៍ទាំងអស់គ្នា ហើយមកជាមួយនឹងការអត់ធ្មត់ និងពេលវេលា។ ប៉ុន្តែរឿងមួយដែលតែងតែនៅជាមួយយើងនោះគឺការប្រយុទ្ធ គោលបំណង និងទឹកចិត្ត ចំណែកឯអ្នកគាំទ្រគឺដូចគ្នាទៅនឹងកីឡាករ ពួកគេបានបង្ហាញលក្ខណៈទាំងនោះ។ ម្ដងទៀត ទាំងខ្ញុំ ទាំងកីឡាករគឺពិតជាពេញចិត្ត នឹងរីករាយចំពោះអ្នកគាំទ្រ"។

សូមបញ្ជាក់ថា Tiger បច្ចុប្បន្នស្ថិតនៅលេខ៥ ក្នុងតារាងលីគកំពូលកម្ពុជា ក្រោយការលេង៥ប្រកួតឈ្នះ ២ ស្មើ១ ចាញ់ ២ ៕

អត្ថបទ៖ ស្រី សុវណ្ណដារ៉ា