សព្វថ្ងៃនាឡិកាវៃឆ្លាតជាច្រើន ត្រូវបានដាក់លក់នៅលើទីផ្សារ ចាប់តាំងពីតម្លៃថោកសមរម្យ ដល់ថ្ងៃកប់ពពក ដែលធ្វើឲ្យអ្នកប្រើប្រាស់ពិបាកក្នុងការសម្រេចចិត្តថាតើគួរជ្រើសរើសមួយណាមកប្រើប្រាស់។ ថ្ងៃនេះ Sabay នឹងលើកយកនាឡិកា ៣ម៉ូឌែល ពីក្រុមហ៊ុនផ្សេងៗគ្នា ដែលមានតម្លៃខ្លួនក្រោម ៥០ដុល្លារមកបង្ហាញជូន។ តោះទៅតាមដានទាំងអស់គ្នា។

១. SoundPeats Watch 2

នាឡិកាឆ្លាតវៃមានរាងមូល ប្រើសម្រាប់តាមដានសកម្មភាពកីឡា តាមដានសុខភាពប្រចាំថ្ងៃ សម្រាប់ Lifestyle នឹងសម្រាប់មើល Smartphone Notifications។ ជាមួយរូបរាងដ៏ទាក់ទាញ មុខងារទាន់សម័យ អាចតាំងរូបនៅលើអេក្រង់ ហើយអាចប្តូរម៉ូដអេក្រង់បានយ៉ាងច្រើនថែមទៀត។ នាឡិកានេះដាក់លក់ក្នុងស្រុកយើងក្នុងតម្លៃប្រហែល ៣៨ដុល្លារ។

លក្ខណៈពិសេស៖

• តាមដានសុខភាព 24/7
• អាចប្តូរមុខនាឡិកា និងតាំងរូបនៅលើអេក្រង់
• ការពារជ្រាបទឹក IP68
• អេក្រង់ ១,២៨អ៊ីញ
• ថាមពលថ្ម ២០ថ្ងៃ
• ទំហំ 50x45x14 mm
• ទម្ងន់ ៣៦ក្រាម

២. Mi Band 6

ជាខ្សែដៃឆ្លាតវៃ មានអេក្រង់ដំណើរការដូចនាឡិកាឆ្លាត ទំហំតូចងាយស្រួលពាក់ បង្កើនភាពស្រស់ស្អាត និងអាចប្តូរពណ៌ខ្សែទៅតាមសម្លៀកបំពាក់។ ចំពោះការតាមដានសុខភាព វាមានមុខងារវាស់ចង្វាក់បេះដូង កម្រិតអុកស៊ីសែនក្នុងឈាម ដំណេក និងអាចដាស់តឿនពេលបេះដូងលោតខុសប្រក្រតី។ នាឡិកានេះដាក់លក់ក្នុងស្រុកយើងក្នុងតម្លៃប្រហែល ៥៩ដុល្លារ។

លក្ខណៈពិសេស៖

• តាមដានសុខភាព 24/7
• អាចប្តូរមុខនាឡិកា និងតាំងរូបនៅលើអេក្រង់
• ការពារជ្រាបទឹក 5ATM ចូលទឹកបានជម្រៅ ៥០ម៉ែត្រ
• អេក្រង់ ១,៥៦អ៊ីញ
• ថាមពលថ្ម ១៤ថ្ងៃ
• ទំហំ 47.4 x 18.6 x 12.7 mm
• ទម្ងន់ ១២,៨ក្រាម

៣. Maimo Smart watch

នាឡិកាឆ្លាតវៃ Maimo Smart watch ក្រៅពីសម្រាប់មើលម៉ោង និងសារដំណឹង វាក៏អាចតាមដានសុខភាពរបស់យើងបានផងដែរ។ នាឡិកានេះមាន មុខងារកីឡា 13មុខ មុខងារវាស់ចង្វាក់បេះដូង វាស់ដំណេក និងវាស់អុកស៊ីសែនក្នុងឈាម។ ហើយជាពិសេសនោះវាអាចប្រើប្រាស់បានទាំង iOS និង Android។ នាឡិកានេះដាក់លក់ក្នុងស្រុកយើងក្នុងតម្លៃប្រហែល ៤២ដុល្លារ។

លក្ខណៈពិសេស៖

• តាមដានសុខភាព 24/7
• អាចប្តូរមុខនាឡិកា និងតាំងរូបនៅលើអេក្រង់
• ការពារជ្រាបទឹក 5ATM ចូលទឹកបានជម្រៅ ៥០ម៉ែត្រ
• អេក្រង់ ១,៦៩អ៊ីញ
• ថាមពលថ្ម ២១ថ្ងៃ
• ទំហំ 43.75x37x11mm
• ទម្ងន់ ២៤ក្រាម

អត្ថបទ៖ Thea Sothun