ប្រទេសទាំង ១០ មានអុីនធើណិតលឿនបំផុត និងយឺតបំផុតក្នុងពិភពលោក រកបើកអ្វីក៏អត់ចេញ
- 2022-05-06 09:26:37
- ចំនួនមតិ 0 | ចំនួនចែករំលែក 0
ប្រទេសទាំង ១០ មានអុីនធើណិតលឿនបំផុត និងយឺតបំផុតក្នុងពិភពលោក រកបើកអ្វីក៏អត់ចេញ
ចន្លោះមិនឃើញ
ល្បឿនអុីនធើណិត បើកាលណាយឺតនឹងធ្វើឲ្យគ្រប់គ្នាធុញទ្រាន់ជាក់ជាមិនខាននោះទេ ហើយបើសិននៅពេលដែលអ្នកមានការអ្វីបញ្ហាបន្ទាន់ត្រូវការអ៊ីនធឺណិត បើវាយឺតពេកក៏កើតអារម្មណ៍មួម៉ៅមួយរំពេច។ និយាយពីអុីនធើណិត ជាមធ្យមល្បឿនអ៊ីនធឺណិតគិតចាប់ពី 4mbps (មេកាប៊ីតក្នុងមួយវិនាទី) ឬខ្ពស់ជាងនេះបន្តិច ក៏អាចឲ្យអ្នកប្រើប្រាស់បណ្តាញសង្គម Facebook ទស្សនាវីដេអូ YouTube ឬបំពេញការងារស្រាវជ្រាវលើប្រព័ន្ធអ៊ីនធឺណិតបានដោយរលូន។ ដោយឡែកខ្លះទៀតជាប់ជាប្រទេសដែលមានល្បឿនអ៊ឺនធើណិតលឿនណាស់ យ៉ាងណាមិញ បើងាកមកដឹងពីប្រទេសមួយចំនួនក្នុងពិភពលោក ខ្លះមានល្បឿនអុីនធើណិតយឺតជាងនេះទ្វេដង ក្នុងនោះខ្លះយឺតយកតែមែនទែនចង់បើកអ្វីក៏មិនចេញ។
យោងតាមប្រភពពីសន្ទស្សន៍តេស្តល្បឿនសកល (Speedtest Global Index) របស់ក្រុមហ៊ុន Ookla ដែលជាប្រភពអាចទាញ យកទិន្នន័យបានត្រឹមត្រូវ គួរឲ្យទុកចិត្តបាន។ ដូច្នេះនៅក្នុងអត្ថបទនេះក្រុមការងារ Sabay នឹងលើកយកមកបង្ហាញពី ទិន្នន័យក្រុមប្រទេសដែលមានអុីនធើណិតលឿនបំផុតនិងយឺតបំផុតលើលោក គិតត្រឹមឆ្នាំ ២០២២ ។
ខាងក្រោមនេះគឺជាប្រទេសដែលមានល្បឿនអុីនធើណិតចល័តលើទូរសព្ទ(ស៊ីម)លឿនជាងគេ៖
១) ប្រទេសអារ៉ាប់រួម មានល្បឿន ១៣៥,៣៥ មេកាប៊ីតក្នុងមួយវិនាទី
២) ប្រទេសន័រវែស មានល្បឿន ១៣៤,៧៣ មេកាប៊ីតក្នុងមួយវិនាទី
៣) ប្រទេសកាតា មានល្បឿន ១២០,៦៩ មេកាប៊ីតក្នុងមួយវិនាទី
៤) ប្រទេសកូរ៉េខាងត្បូង មានល្បឿន ១១៧,៩៥ មេកាប៊ីតក្នុងមួយវិនាទី
៥) ប្រទេសហូឡង់ មានល្បឿន ១០៨,៣៣ មេកាបៃក្នុងមួយវិនាទី
ខាងក្រោមនេះគឺជាប្រទេសដែលមានល្បឿនអុីនធើណិតប្រើខ្សែលឿនជាងគេ៖
១) ប្រទេសសឹង្ហបុរី មានល្បឿន ១៩៧,៩៧ មេកាប៊ីតក្នុងមួយវិនាទី
២) ប្រទេសឈីលី មានល្បឿន ១៩៧,២៨ មេកាប៊ីតក្នុងមួយវិនាទី
៣) ប្រទេសថៃ មានល្បឿន ១៨៧,៨០ មេកាប៊ីតក្នុងមួយវិនាទី
៤) ប្រទេសដាណឺម៉ាក មានល្បឿន ១៧០,៣៨ មេកាប៊ីតក្នុងមួយវិនាទី
៥) កោះហុងកុង មានល្បឿន ១៦៣,៩៣ មេកាប៊ីតក្នុងមួយវិនាទី
ខាងក្រោមនេះគឺជាប្រទេសដែលមានល្បឿនអុីនធើណិតយឺតជាងគេលើលោក៖
១) ប្រទេសតួកម៉ែនីសស្ថាន មានល្បឿន ០,៥០ មេកាប៊ីតក្នុងមួយវិនាទី
២) ប្រទេសយេម៉ែន មានល្បឿន ០,៦៨ មេកាប៊ីតក្នុងមួយវិនាទី
៣) ប្រទេសអេត្បូពី មានល្បឿន ១,២៤ មេកាប៊ីតក្នុងមួយវិនាទី
៤) ប្រទេស Guinea-Bissau មានល្បឿន ១,២៥ មេកាប៊ីតក្នុងមួយវិនាទី
៥) ប្រទេសគីនែ-Guinea មានល្បឿន ១,៣ មេកាប៊ីតក្នុងមួយវិនាទី
ប្រែសម្រួលដោយ៖ រក្សា | ប្រភព៖ Ooklaspeedtest