រុស្សីមានទីតាំងស្ថិតនៅទ្វីបអឺរ៉ុប ហើយជាប្រទេសធំជាងគេក្នុងពិភពលោក។ ប្រទេសនេះ លាតសន្ធឹងលើចំនួនផ្ទៃដីដ៏ច្រើននៃភាគខាងកើតអឺរ៉ុប និងនៅអាស៊ីខាងជើង។

ប្រជាជនរុស្ស៊ីមានជាង ១៤៣ លាននាក់។ រដ្ឋធានីគឺទីក្រុងម៉ូស្គូដែលមានទីតាំង នៅភាគខាងលិចនៃប្រទេសនេះ។ ឥឡូវមកដឹងអំពីពណ៌នៅលើទង់ជាតិរុស្ស៊ី ដែលពណ៌នីមួយៗមានអត្ថន័យខុសៗគ្នា។ ទង់ជាតិរុស្សី មាន៣ពណ៌គឺ ស ខៀវ និង ក្រហម។

១. ពណ៌ស តំណាងឱ្យភាពថ្លៃថ្នូរ និងភាពស្មោះត្រង់

២. ពណ៌ខៀវ តំណាងឱ្យភាពល្អបរិសុទ្ធ ។

៣. ពណ៌ក្រហម តំណាងឱ្យភាពក្លាហាន បេះដូងបើកទូលាយ និង សេចក្តីស្រឡាញ់។

ប្រទេសរុស្ស៊ីបានក្លាយជាប្រទេសឯករាជ្យមួយនៅខែធ្នូ ឆ្នាំ ១៩៩១ បន្ទាប់ពីការដួលរលំនៃសហភាពសូវៀត។ អតីត សហភាពសូវៀតរួមបញ្ចូលបណ្តាប្រទេសអឺរ៉ុបផ្សេងទៀតដូចជា អ៊ុយក្រែន ឡាតវី ហ្សកហ្ស៊ី អេស្តូនី និងប្រទេសមួយចំនួនទៀត។ ការដួលរលំនៃលទ្ធិកុម្មុយនិស្តនៅក្នុងតំបន់ គឺជាកត្តាដែលបានរួមចំណែក និងនាំទៅដល់ការរំលាយសហភាពសូវៀត៕

ប្រភព៖ Metro   ប្រែសម្រួល ៖ សង្ហា