Cadillac Escalade-V 2023 ខ្លាំងអីក៏ខ្លាំងយ៉ាងនេះ!
- 2022-05-13 03:55:51
- ចំនួនមតិ 0 | ចំនួនចែករំលែក 0
Cadillac Escalade-V 2023 ខ្លាំងអីក៏ខ្លាំងយ៉ាងនេះ!
ចន្លោះមិនឃើញ
រថយន្ត Cadillac Escalade-V 2023 ទើបតែត្រូវបានបង្ហាញចេញជាផ្លូវការ ដែលទទួលបានការចាប់អារម្មណ៍ខ្លាំងគឺកម្លាំងម៉ាស៊ីនដ៏ធំបំផុត តម្លៃ និងការបំពាក់បច្ចេកវិទ្យាទំនើបៗ។
កំពូល SUV កៅអី៣ជួរនេះ មានតម្លៃចាប់ពី ១៤៩ ៩៩០ដុល្លារឡើងទៅ ដែលជារថយន្តថ្លៃបំផុតរបស់ Cadillac ដោយគ្រោងនឹងចេញលក់ក្នុងពេលឆាប់ៗខាងមុខនេះ។
វាបំពាក់ម៉ាស៊ីន Supercharge V8 ចំណុះ ៦,២លីត្រ ផលិតបានកម្លាំងខ្លាំងបំផុត ៦៨២សេះ និងកម្លាំងរមួល ៨៨៥ញ៉ូតុនម៉ែត្រ ជាមួយប្រអប់លេខអូតូ ១០វគ្គ រត់ប៉ុង២។ វាជាន់ស្ទុះពីល្បឿន ០ ដល់ ១០០គីឡូម៉ែត្រ/ម៉ោង ប្រើពេលតែ ៤,៤វិនាទី។
ចំណុចដ៏គួរឱ្យទាក់ទាញមួយទៀតគឺ Cadillac Escalade-V នេះ អេក្រង់កោង Touchscreen ជាប្រភេទ OLED ដ៏ធំសម្បើម ចំនួន៣ ភ្ជាប់គ្នាបង្កើតទំហំសរុបដល់ ៣៨អ៊ីញឯណោះ និងមាន speaker ដល់ ៣៦គ្រាប់ ជាមួយប្រព័ន្ធ AKG audio System។ ទន្ទឹមនឹងនេះ វាក៏មានជម្រើស option ប្រើមុខងារ Super Cruise ដែលជាបច្ចេកវិទ្យាជំនួយដល់អ្នកបើកបរ ពោលគឺវាអាចផ្លាស់ប្តូរគន្លងផ្លូវដោយអូតូ។ វាក៏បំពាក់ប្រព័ន្ធ Magnetic Ride Control 4.0 និងប្រព័ន្ធបូម Air Ride Adaptive ជាដើម៕