ឃើញគេជិះកង់ព្រោងព្រាត ឥឡូវមកដឹងពីចំនួនរោងចក្រដំឡើងកង់នៅខ្មែរយើងវិញម្ដង

2022-05-17 05:01:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ការជិះកង់ បានក្លាយទៅជាចំណូលចិត្តរបស់ប្រជាជនខ្មែរក្នុងការធ្វើលំហាត់ប្រាណដើម្បីសុខភាពនិង កម្សាន្តអារម្មណ៍ដោយការជិះជាក្រុមៗនាឱកាសថ្ងៃសម្រាកចុងសប្ដាហ៍ឬថ្ងៃឈប់សម្រាកបុណ្យជាតិ ទាំងនៅក្នុងទីក្រុង និងតាមបណ្ដាខេត្តនានា ជាពិសេសក្រុមយុជនយុវតីខ្មែរបាននាំគ្នាបង្កើតកម្មវិធី សប្បាយៗតាមរយៈការជិះកង់នោះ។ ឥឡូវយើងក្រឡេកមកមើលទិន្នន័យខ្លះៗដែលទាក់ទងនឹង «កង់» គិតមកដល់ពេលនេះ កម្ពុជា បានក្លាយជាប្រទេសដែលនាំចេញកង់ធំជាងគេមួយនៅលើពិភពលោក ដោយជាប់ចំណាត់ថ្នាក់លេខ១នៅតំបន់អាស៊ាននិងជាប់ចំណាត់ថ្នាក់លេខ៥ក្នុងពិភពលោកបន្ទាប់ពី ចិន តៃវ៉ាន់ ហូឡង់ និងអាល្លឺម៉ង់។

ទីផ្សារគោលដៅដែលកម្ពុជានាំចេញរួមមាន៖ សហរដ្ឋអាមេរិក, អាល្លឺម៉ង់, ចក្រភពអង់គ្លេស, ជប៉ុន, ចិន, អាស៊ាន, ប៊ែលហ្ស៊ិក, ហូឡង់ អូទ្រីស ស៊ុយអែត ដាណឺម៉ាក អូស្ត្រាលី សាធារណរដ្ឋឆែក អ៊ីតាលី កូឡុំប៊ី សាធារណរដ្ឋកូរ៉េ អេស្ប៉ាញ ស្លូវេនី និងកាណាដា។

របាយការណ៍គិតត្រឹម៤ខែឆ្នាំ២០២២ កម្ពុជា នាំចេញកង់ទៅក្រៅប្រទេស កើនឡើងលើសពាក់កណ្ដាលដល់ទៅ ៥៤% រកបានចំណូលបានជាង ៣០៦ លានដុល្លារ។ ក្នុងនោះចំណូលរបស់សហរដ្ឋអាមេរិក ១២៩ លានដុល្លារ អាល្លឺម៉ង់ ៤៧ លានដុល្លារ បែលហ្ស៊ីក ៤៧ លានដុល្លារ អង់គ្លេស ២៣ លានដុល្លារ និងហូឡង់ ១២ លានដុល្លារ។

ដោយឡែកការនាំចូលកង់វិញបួនខែឆ្នាំ ២០២២ ថយចុះ ១៤% សរុបទឹកប្រាក់ ២ លានដុល្លារ។ ក្នុងនោះ ជប៉ុន ៣ លានដុល្លារ ចិន ៦៩ មុឺនដុល្លារ វៀតណាម ៤៣ មុឺនដុល្លារ ថៃ ១៣ មុឺនដុល្លារ និងសហរដ្ឋអាមេរិក ១៥,២៨៣ ដុល្លារ។ រំឮកកាលពីឆ្នាំ២០២០ កម្ពុជា ទទួលបានប្រាក់ចំណូលពីការនាំចេញកង់សរុបចំនួន ៥២៧ លានដុល្លារកើន២៧% បើប្រៀបធៀបនឹងឆ្នាំ២០១៩ ។