ខ្សែប្រយុទ្ធឡើងជើង Nkunku បន្ថែមកុងត្រាជាមួយ Leipzig បញ្ចប់ក្ដីស្រមៃរបស់ United និង Chelsa
- 2022-06-24 02:52:57
- ចំនួនមតិ 0 | ចំនួនចែករំលែក 0
ខ្សែប្រយុទ្ធឡើងជើង Nkunku បន្ថែមកុងត្រាជាមួយ Leipzig បញ្ចប់ក្ដីស្រមៃរបស់ United និង Chelsa
ចន្លោះមិនឃើញ
គម្រោងផ្ទេរក្នុងរដូវក្ដៅនេះរបស់ Manchester United និង Chelsea ត្រូវបានបញ្ចប់ បន្ទាប់ពីខ្សែប្រយុទ្ធ Christopher Nkunku បានបន្ថែមកុងត្រាថ្មីជាមួយ RB Leipzig។
Nkunku វ័យ២៤ឆ្នាំគឺជាខ្សែប្រយុទ្ធដ៏មានឥទ្ធិពលម្នាក់ក្នុងបាល់ទាត់នៅទ្វីអឺរ៉ុបកាលពីរដូវកាលមុន រកបាន៣៥គ្រាប់ក្នុងការបង្ហាញខ្លួន៥០ប្រកួត។ ទម្រង់លេងដ៏ល្អបែបនេះ ធ្វើឲ្យគេកើនតម្លៃខ្លួនដល់ទៅ៨០លានផោន និងទាក់ចិត្តក្លឹបធំៗនៅអឺរ៉ុបជាច្រើនដូចជា Man Utd, Chelsea និង PSG។
យ៉ាណាមិញ ក្ដីស្រមៃរបស់ក្លឹបទាំងនោះបានរលាយដូចអំបិលត្រូវទឹក បន្ទាប់ពី RB Leipzig ប្រកាសបន្ថែមកុងត្រា២ឆ្នាំជាមួយ Nkunku ពោលគេនឹងបន្តនៅជាមួយក្លឹបដល់ឆ្នាំ២០២៦។ នៅលើវិបសាយរបស់ក្លឹប កីឡាករសញ្ជាតិបារាំងបាននិយាយថា៖ "ខ្ញុំរីករាយក្នុងការបន្តពាក់អាវ RB Leipzig។ បន្ទាប់ពីសមិទ្ធផលដ៏អស្ចារ្យរបស់ពួកយើងឈ្នះពាន DFB-Pokal វាបានបញ្ជាក់ច្បាស់ថា រឿងរ៉ាវរបស់ខ្ញុំនៅទីនេះមិនទាន់ចប់ទេ"៕