វិសាខា ក្លាយជាក្រុមតំណាងឲ្យកម្ពុជាដំបូងគេដែលធ្វើបានល្អបំផុតនៅ AFC Cup 2022

2022-06-28 02:54:37
ចំនួនមតិ 0 | ចំនួនចែករំលែក 0

ចន្លោះមិនឃើញ

វិសាខា បានក្លាយជាក្រុមដំបូងគេនៅ នាមជាក្រុមតំណាងឲ្យកម្ពុជាដែលធ្វើបានល្អបំផុតក្នុងការលេងពានកម្រិតទី២របស់អាស៊ី AFC Cup បន្ទាប់ពីក្រុមនេះបានយកឈ្នះទៅលើជើងខ្លាំងរបស់ Bali United ៥-២ កាលពីម្សិលមិញនេះ។

វិសាខា ក្លាយជាក្រុមតំណាងឲ្យកម្ពុជាដំបូងគេដែលធ្វើបានល្អបំផុតនៅ AFC Cup 2022 ក្នុងនាមក្រុមតំណាងឲ្យកម្ពុជា វិសាខា ជាក្រុមធ្វើបានល្អបំផុតសម្រាប់ការចូលរួមលេងពានខាងលើ ដោយលេង២ប្រកួតឈ្នះទាំង២ ពោលគឺឈ្នះ Kaya ២-១ និងឈ្នះ Bali ៥-២ ដែលជ័យជម្នះ២ប្រកួតនេះធ្វើឲ្យក្រុមនេះមានភាគរយខ្ពស់ណាស់ក្នុងការបានឡើងទៅកាន់ជុំបន្ទាប់។ ក្នុងពូល G នេះបច្ចុប្បន្នវិសាខាជាក្រុមកាន់កាប់កំពូលតារាង ដោយមាន៦ពិន្ទុក្នុងការលេង២ប្រកួត ហើយគេក៏ជាក្រុមដែលត្រូវការត្រឹមស្មើប៉ុណ្ណោះក្នុងប្រកួតទី៣នាថ្ងៃទី៣០ ខែមិថុនា ឆ្នាំ២០២២វេលាម៉ោង៨ យប់ ដើម្បីឡើងទៅវគ្គបន្ត ដោយស្វ័យប្រវត្តិ។

ដោយឡែកសម្រាប់ក្រុមភ្នំពេញក្រោន ដែលកំពុងចូលរួមប្រកួតពាននេះដែរបានធ្លាក់ចេញហើយ ដោយពីរប្រកួតចាញ់ទាំងពីរប្រកួត ពោលគឺចាញ់ Viettel ១ កាលពីម្សិលមិញ និងចាញ់ក្រុមHougang United ៤-៣ កាលប្រកួតទី១៕

អត្ថបទ៖ ស្រី សុវណ្ណដារ៉ា