YG ប្រកាសដំណឹងឱឡារិក ពីការ Comeback និងការប្រគំតន្ត្រីរបស់ BLACKPINK

2022-07-06 01:57:26
ចំនួនមតិ 0 | ចំនួនចែករំលែក 0

ចន្លោះមិនឃើញ

YG បានចេញសេចក្ដីថ្លែងការណ៍ថ្មី ទាក់ទងនឹងគម្រោងចេញមុខរបស់ BLACKPINK នៅក្នុងខែសីហា ដោយបច្ចុប្បន្ន ពួកគេកំពុងថតបញ្ចប់ និងរៀបចំអាល់ប៊ុមជិតរួចរាល់ហើយ។ ក្រុមនេះគ្រោងនឹងថតវីដេអូបទចម្រៀង នៅចុងខែនេះ ឲ្យបានចប់សព្វគ្រប់សម្រាប់គម្រោង Comeback នៅខែសីហា ខាងមុខ។

«តន្ត្រីជាច្រើនចេញពី Style របស់ BLACKPINK ត្រូវបានរៀបចំឡើងជាមួយនឹងការយកចិត្តទុកដាក់យ៉ាងខ្លាំងរយៈពេលជាយូរ។ BLACKPINK នឹងចាប់ផ្ដើមដំណើរការប្រគំតន្ត្រីទេសរចណ៍ពិភពលោកដ៏ធំបំផុតមិនធ្លាប់មាន សម្រាប់ក្រុមចម្រៀងនារី K-Pop នៅចុងឆ្នាំនេះ រួមជាមួយនឹងដំណើរវិលត្រឡប់មកវិញរបស់ពួកគេ ដើម្បីពង្រីក ទំនាក់ទំនងជាមួយនឹងអ្នកគាំទ្រ នៅជុំវិញពិភពលោក។ ពួកយើងនឹងបន្តធ្វើការលើគម្រោងខ្នាតធំសម្រាប់ក្រុមផងដែរ»។ នេះជាការលើកឡើងរបស់ YG។

គិតមកត្រឹមពេលនេះ BLACKPINK ផ្អាកចេញបទថ្មីជាក្រុម រយៈពេល ១ ឆ្នាំ ១០ខែ ហើយ គិតតាំងពីចេញអាល់ប៊ុម «THE ALBUM» មកម្ល៉េះ ដោយពួកគេយកពេលផ្ដោតលើការងារទោលរៀងៗខ្លួនវិញ។ ទោះជាខាន Comeback រយៈពេលជាយូរក៏ពិតមែន ប៉ុន្តែប្រជាប្រិយភាពរបស់ក្រុមនេះនៅតែឈរលើលំដាប់កំពូល និងកម្រមានក្រុមនារីណាផ្ដួលបានងាយៗណាស់៕

ប្រភព៖ Koreaboo អត្ថបទ៖ ធារី