ដល់ពេលសរុបទើបភ្ញាក់ថា BTS សហការសុទ្ធតែជាមួយ Brand ល្បីកំពូលៗចំនួន ៥ លើលោក
- 2022-07-14 03:23:37
- ចំនួនមតិ 0 | ចំនួនចែករំលែក 0
ដល់ពេលសរុបទើបភ្ញាក់ថា BTS សហការសុទ្ធតែជាមួយ Brand ល្បីកំពូលៗចំនួន ៥ លើលោក
ចន្លោះមិនឃើញ
សព្វថ្ងៃនេះ BTS កំពុងកាន់កាប់តំណែងជាក្រុមចម្រៀងដែលមានឈ្មោះបោះសំឡេងល្បីសុសសាយ ហើយគ្មានអ្វីត្រូវឆ្ងល់ទេ ថាពួកគេក៏ជាដៃគូសហការដ៏សំខាន់ជាមួយនឹង Brand ល្បីៗលំដាប់ពិភពលោកជាច្រើនដែរ។
ក្រុមចម្រៀងសមាជិក ៧នាក់ មួយនេះ បានរួមការងារជាមួយនឹង Brand ជាច្រើន ប៉ុន្តែក្នុងចំណោមក្រុមហ៊ុនល្បីទាំងនោះ មាន Brand ល្បីចំនួន ៥ ដែលអ្នកគួរស្វែងយល់៖
១. Coca-Cola (បច្ចុប្បន្នជា Brand ល្បីលំដាប់ទី៦ ប្រចាំពិភពលោក)
បន្ទាប់ពី ARMY សំណូមពរ ក្រុមហ៊ុន Coca-Cola ក៏បានជ្រើស BTS ជាដៃគូសហការពិសេស សម្រាប់យុទ្ធនាការ Russia FIFA World Cup 2018។
ចាប់ពីពេលនោះមក ក្រុមនេះក៏ចាប់ផ្ដើម បង្ហាញមុខក្នុងស្ប៉តផ្សព្វផ្សាយជាហូរហែ ថែមទាំងត្រូវបាន Coca-Cola រចនារូបភាពសមាជិកទាំង ៧ លើដប និងកំប៉ុងជាពិសេសទៀតផង។
២. Disney (បច្ចុប្បន្នជា Brand លំដាប់ទី៧ ប្រចាំពិភពលោក)
ARMY សង្ស័យជាច្រើនខែមកហើយ ទើបថ្មីៗនេះ មានការបញ្ជាក់ថា BTS បានចាប់ដៃគូសហការជាមួយនឹង Disney។
សារព័ត៌មានកូរ៉េបានរាយការណ៍ថា HYBE បានចុះហត្ថលេខា លើកិច្ចព្រមព្រៀងជាច្រើនឆ្នាំជាមួយនឹងក្រុមហ៊ុន Walt Disney APAC (តំបន់អាស៊ីប៉ាស៊ីហ្វិក)។ ដូច្នេះគ្រប់គ្នារំពឹងថា នឹងបាន ឃើញកម្មវិធី In The SOOP: Friendcation របស់ក្រុម V គឺ "Wooga Squad” ក៏ដូចជាការប្រគំតន្ត្រី "PERMISSION TO DANCE ON STAGE – LA របស់ BTS ព្រមទាំងវីដេអូឯកសារ BTS: MONUMENTS: BEYOND THE STAR មានវត្តមាន Stream លើ Disney+ ជាក់ជាមិនខាន។
៣. Samsung (បច្ចុប្បន្នជា Brand លំដាប់ទី ៨ ប្រចាំពិភពលោក)
ជាការពិត Samsung នៅតែរក្សាតំណែងជាក្រុមហ៊ុនល្បីមួយដែលសហការជាមួយនឹង BTS យូរអង្វែងមកហើយ។ ចាប់តាំងពី BTS ត្រូវបានគេប្រកាសជាផ្លូវការថាជា ទូតសុឆន្ទៈសម្រាប់ក្រុមហ៊ុនបច្ចេកវិទ្យានៅឆ្នាំ ២០២០ សមាជិកទាំង ៧ ក៏បានបង្ហាញមុខជាបន្តបន្ទាប់ ក្នុងរូបភាព និងវីដេអូស្ប៉តពាណិជ្ជកម្មផ្សព្វផ្សាយហូរហែ។
ដូចកាលពីឆ្នាំ ២០២១ Suga ថែមទាំងបានផលិតបទចម្រៀង សម្រាប់ Samsung Galaxy Smartphone ទៀតផង។
ក្រោយមកទៀត BTS ក៏ថែមទាំងបានសហការសម្រាប់យុទ្ធនាការបរិស្ថានសកលលោក ដែលមានឈ្មោះថា Galaxy for the Planet ទៀត។
៤. Louis Vuitton (បច្ចុប្បន្នជា Brand លំដាប់ទី ៩ ប្រចាំពិភពលោក)
ឆ្នាំមុន BTS ត្រូវបានប្រកាសជាផ្លូវការជា House Ambassador សម្រាប់ Brand នេះផងដែរ។ មិនយូរប៉ុន្មាន BTS ក៏បានបង្ហាញម៉ូដសម្លៀកបំពាក់ ក៏ដូចជា Collection ជាច្រើន ចេញពី Men’s Fall-Winter 2021 ស្នាដៃរបស់លោក Virgil Abloh ទៀតផង។
៥. McDonald’s (បច្ចុប្បន្នជា Brand លំដាប់ទី ១០ ប៉ុន្តែជាក្រុមហ៊ុន Fast Food លំដាប់កំពូលលើសគេប្រចាំពិភពលោក)
កាលពីឆ្នាំ ២០២១ BTS និង McDonald’s បានចាប់ដៃគ្នាបង្កើត "The BTS Meal” ដោយមានការគាំទ្រភ្លូកទឹកភ្លូកដី ហើយគ្រប់គ្នាសង្ឃឹម និងរង់ចាំគ្រប់ពេលសម្រាប់ការត្រឡប់មកវិញរបស់ The BTS Meal៕