ចប់វគ្គ Live Show សប្ដាហ៍ទី ៣ នៃ Cambodian Idol ឆ្នាំ ២០២២ កម្មវិធីក៏បានរកឃើញបេក្ខជនជើងខ្លាំង​ចំនួន ១០នាក់ ដែល​សុទ្ធតែជាជើងខ្លាំង ឈាន​ទៅដណ្ដើមជយលាភីក្នុងវគ្គពាក់កណ្ដាលផ្ដាច់ព្រ័ត្រខាងមុខ។

ក្នុងរាត្រីប្រកួតដែលជាការផ្សាយផ្ទាល់ នៅរាត្រីថ្ងៃទី៣១ ខែកក្កដា ឆ្នាំ២០២២ បេក្ខជន​ចំនួន ១២រូប បាន​បង្ហាញ​សមត្ថភាពច្រៀង បទ​ចម្រៀង​ដែល​ស្ថិតនៅមុនជំនាន់ឆ្នាំ១៩៧៥។ ភាគ​ច្រើននៃបទចម្រៀងដែលបេក្ខជន​ បាន​លើកមកបកស្រាយ គឺជាសំនៀងដើមរបស់ អធិរាជសំឡេងមាស ស៊ីន ស៊ីសាមុត។ ទាំងការរៀបចំខ្លួន ទាំងការបញ្ចូលអារម្មណ៍ និងបង្ហើរសំនៀងរបស់បេក្ខភាពទាំងអស់ ពិតជាអាច​នាំទាំងគណៈកម្មការ ក៏ដូចជាទស្សនិកជន ទទួលអារម្មណ៍ពិសេស ហោះហើរទៅកាន់សម័យកាលរុងរឿងកាលពីជំនាន់សង្គម។

ទោះជាធ្វើបានល្អយ៉ាងណា ក៏គួរឲ្យស្ដាយបេក្ខភាព ២រូបត្រូវខកខានឱកាស​ក្នុងការបន្តទៅសប្ដាហ៍ក្រោយ នោះគឺ បេក្ខជន ឈិន រ័ត្ន និង ជ័យ សុខតារា។ ឯបេក្ខជន ១០រូបទៀត ត្រូវទទួលឱកាសបន្តទៅសប្ដាហ៍ក្រោយ ខណៈចំនួននៃការបោះឆ្នោតគាំទ្រ មានចំនួនច្រើននៅសប្ដាហ៍នេះ។

ចុចទីនេះ ដើម្បីទស្សនាការវីដេអូទាំងស្រុង៖