តើនរណានឹងត្រូវជួប សឿប្លេក បន្តទៀតក្រោយឈ្នះអ្នកល្បីខ្មែរច្រើននាក់រួចហើយ

2022-08-01 06:54:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងរបស់ថៃ Nathapum (សឿប្លេក) កាលពីថ្ងៃសៅរ៍ ទី៣០ កក្កដា បានផ្ដួលជើងខ្លាំងកម្ពុជា២រូបរួមមានទាំង ឡៅ ចិត្រា ផងដែរទទួលបានប្រាក់លាន ដូច្នេះកេរ្តិ៍ឈ្មោះកំពុងល្បីខ្លាំង ខណៈអ្នកគាំទ្រគុនខ្មែរកំពុងសម្លឹងមើលអ្នកខ្លាំង៣នាក់ យ៉េន ឌីណា មឿន សុខហ៊ុច និង សោភ័ណ្ឌ ចង់ឲ្យជួប។

សឿប្លេក ឈ្នះ ចិត្រា

អ្នកលេងគុនថៃខាងលើនេះបានយកឈ្នះកីឡាករកម្ពុជាគិតដល់ពេលនេះ៥នាក់មកហើយរួមមាន អេលីត ភក្កី ផល សោភ័ណ្ឌ ឡៅ ចិត្រា ឡុង ប៉េងលឿន និង ឡុង សំណាង។ ប្រាក់រង្វាន់ និងកេរ្តិ៍ឈ្មោះរបស់ សឿប្លេក ម្នាក់នេះនៅកម្ពុជាមានការចាប់អារម្មណ៍ខ្លាំង។

សឿប្លេក ឈ្នះ សោភ័ណ្ឌ

បន្ទាប់ពីឈ្នះម៉ារ៉ាតុងប្រាក់លានកាលពីថ្ងៃសៅរ៍រួមមក អ្នកគាំទ្រខ្មែរមិនទាន់អស់ចិត្តជាមួយកីឡាករថៃខាងលើនេះឡើយ ឥលូវនេះកំពុងផ្ទុះការចាប់អារម្មណ៍ចង់ឲ្យប៉ះ យ៉េន ឌីណា និង មឿន សុខហ៊ុច ផងដែរ។ យ៉ាងណាកីឡាករ ផល សោភ័ណ្ធ ធ្លាប់លើកឡើងថាបន្ទាប់ពីបញ្ចប់ភារកិច្ចខ្សែក្រវាត់នៅថោនរួចក៏ចង់ដោះស្រាយបញ្ជីចាស់ជាមួយ សឿប្លេក ម្ដងទៀតដែរ។ មានតែរង់ចាំមើលតាមស្ថានីយផ្សេងៗនឹងចាប់គូឲ្យ សឿនប្លេក ជួបកីឡាករកម្ពុជារូបណាបន្ទាប់ទៀត៕