កំលោះសង្ហាតារាថៃ Mean Phiravich ដែលជាតួអង្គក្នុងរឿង "ហាងលក់មរតកខ្មោច" បានធ្វើដំណើរមកដល់ប្រទេសកម្ពុជាវេលាម៉ោង៩ ព្រឹកថ្ងៃទី៣ ខែសីហា ជាលើកដំបូង ហើយសង្កេតឃើញថាមកប្រទេសកម្ពុជា ភ្លាម Mean ទៅទស្សនាវិមានឯករាជ្យភ្លែតតែម្ដង។

ដំណើរឆ្ពោះមកកាន់ប្រទេសកម្ពុជាលើកដំបូង Mean Phiravich ចុះពីយន្ដហោះភ្លាមធ្វើបទសម្ភាស ផ្ដាច់មុខជាមួយ Sabay ទាំងព្រឹកតែម្ដង។ ទន្ទឹមនឹងនេះ Mean ក៏បានធ្វើដំណើរទស្សនានៅ វិមានឯករាជ្យ ផងដែរ។ វត្តមាន Mean Phiravich លើទឹកកម្ពុជាលើកនេះគឺមកដើម្បីជួបជាមួយអ្នកគាំទ្រកម្ពុជា ជាទីស្រឡាញ់ និងអបអរចំពោះស្នាដៃក្នុងភាពយន្ដថ្មី គឺរឿង “ហាងលក់មរតកខ្មោច”។

រម្លឹកផងដែរថា Mean Phiravich គឺជាតារាចម្រៀង តារាម៉ូដែល និងជាតារាសម្ដែង Mean បានចាប់អាជីពសិល្បដំបូងជាតារាសម្ដែងក្នុង២០១៥ និងបានសាងស្នាដៃជាបន្តបន្ទាប់ក្នុងរឿងភាគ ភាពយន្ដខ្នាតធំ ស្ពតពាណិជ្ជកម្មជាហូរហែផងឌេរ ហើយភាពយន្ដដែលទើបតែបញ្ចប់ និងត្រៀមចាក់បញ្ចាំងថ្ងៃទី៥ ខែសីហា គឺរឿង “ហាងលក់មរតកខ្មោច”។

យ៉ាងណាមិញប្រិយមិត្ត Sabay ជាទីស្រលាញ់កុំភ្លេចរងចាំទស្សនាវីដេអូសម្ភាសផ្ដាច់រវាង Sabay និងតារាសម្ដែងថៃ Mean Phiravich ជុំវិញបទពិសោធថតរឿង“ហាងលក់មរតកខ្មោច”នេះ ក្នុងពេលឆាប់ៗ៕