Bruno និយាយបែបនេះទាក់ទងនឹងអនាគតរបស់ Ronaldo នៅ Man Utd

2022-08-23 11:33:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Bruno Fernandes បាននិយាយទៅកាន់សារព័ត៌មាន Eleven Sports នៅក្នុងថ្ងៃនេះទាក់ទងនឹងអនាគតរបស់ខ្សែប្រយុទ្ធ Cristiano Ronaldo នៅក្លឹប Manchester United ដោយថាអនាគតរបស់កំពូលកីឡាករនេះនឹងដឹងឆាប់ៗ ហើយថាខ្លួនមានតែការអបអរនឹងកំពូលខ្សែប្រយុទ្ធនេះទេ បើគេគិតថាការចាកចេញពីក្លឹបនេះល្អសម្រាប់គេ។

Bruno បាននិយាយថា៖" វាមានសន្និដ្ឋានអញ្ចេះអញ្ចោះច្រើនទាក់ទងនឹងអនាគតរបស់ Ronaldo អញ្ចឹងហើយគ្មាននរណាគេដឹងច្បាស់ក្រៅពី Ronaldo ខ្លួនគាត់ និយាយខ្លួនគាត់នោះទេ។ ខ្ញុំដឹងរឿងខ្លះដែរតែខ្ញុំមិននិយាយទេ។ ឥឡូវនេះគាត់ជាកីឡាករ Man Utd ខ្ញុំមិនដឹងអនាគតរបស់គាត់ម៉េចទេថាគាត់ចាកចេញ ឬមិនចាកចេញ។ ដូចគាត់បាននិយាយអញ្ចឹង គាត់នឹងនិយាយពីរឿងហ្នឹងឆាប់ៗ អញ្ចឹងអ្នកទាំងអស់គ្នានឹងដឹងហើយ "។

កីឡាករនេះបន្តថា៖" មកទល់នឹងពេលនេះ មិនទាន់មាននរណាមួយមិនឲ្យចង់ Ronaldo មិននៅបន្តនោះទេ។ គាត់អាចបន្តជាមួយពួកយើងបានក្នុងកម្រិតខ្ពស់របស់គាត់ ជួយក្រុមយើងស៊ុតចូលច្រើនគ្រាប់ តែយ៉ាងណានេះជាការសម្រេចចិត្តរបស់គាត់។ យើងត្រូវតែគោរពពីអ្វីដែលគាត់ចង់ធ្វើ។ បើគាត់នៅបន្ត យើងនឹងសប្បាយចិត្តជាមួយគាត់ បើគាត់ចាកចេញព្រោះគិតថានេះជារឿងល្អសម្រាប់គាត់ ខ្ញុំខ្លួនឯងនៅតែសប្បាយជាមួយគាត់អញ្ចឹង។ អ្វីដែលសំខាន់គឺគាត់នៅតែល្អប្រសើរនៅកម្រិតខ្ពស់ និងធ្វើឲ្យប្រទេសយើងមានមោទនភាព "។

អនាគតរបស់ Ronaldo នៅ Man Utd គឺនៅតែច្បាស់លាស់ព្រោះគេចង់ចាកចេញ ដោយឲ្យភ្នាក់ងារដើរក្លឹបដែលអាចទៅលេងបាន៕

ប្រភព៖ Goal ប្រែសម្រួល៖ ហ៊ីម រស្មី